Baadak 10 helle Tamri Festivaal Samara Magaalal Qimbisen

Addis Ababa Ximolik 20 Sanat 2017 (ENA)

Itiyoppiyal Qimboh Addah Baadak Temri Festival Samara Magaalal Qimbisen.

Tama Festivaalal Qafar Rakaakayak naharsi Saqal Cajji Awwal Qarbaay, Buqre Malaakih Deeta, Dr. Melles Mekkoniiy, Tenengele Qarab Emaaretik Khaliifa Tamri Murtih Cugaysok Prezixentih Yan Dr Qabdulwahaab Albukheer Zaayid Edde Anuk, Federal Kee Rakakaauyak Fayya le Miraaciinuuy, Ambasadderitteey Tonnah Seeco Akah Aben Qibini Elle Geytimen.

 

Tama Aracal Geytimak Yaab Abeh Yan Cajji Awwal Qarba:- Ni Rakaakayal Tamira, Qaada Gital Antifiqimuk Sugeenim Kassiisaak:-Toh Kaaduk Tamri Buqre Abeenitih Faxxiima Xaloot Geysiise Kalah Sugem Yiysixxige.

Gexsitak Geytima Baadak Tamri Festivaal Qafar Rakaakayah Kaxxa Abak Raag Kee Ixxiga Takkem Kinni Axcuk Qaddoose.

Ta Festival Itiyoppiya Kee Tengele Qarab Emaaretih Fanal Yanih Yan Fantaaxaw Kee Toobokiinu Foocah Marrassah Iyya Kinnim Yiysixxige.

Tama Festival Asaakih Ayrook Xabba Haanam Sitta Lakleh 3 AYroh Gideh Gexsitele.

#Ityioppiyal 
#Ityioppiyak_Xaagi_Raceena
#ENA