Garqa Yaynukusoonuh Kaxxa Doori Digirta​​​​​​​ Naharsi Malak Abiy Acmad (Dr) Ayyuntiinô Daddoosih  Inki Aracih Ayfaf Fanteenaanih Ixxima Xayi Waktit 20 Fanah Fayya Arcle -

        Addis Ababa; Ximoli 15 Sanat 2017 (ENA)

 Naharsi Malak Abiy Acmad, Garqa Aynukusoonuh Kaxxa Doori Digirta Ayyuntiinô Daddoosih Inki-Ayfaf Fanteenaanih Ixxima, Xayi Udduurih Addat Kaxxa Magaaloolul 20 Fanah Ossimelem Yiysixxige.

Naharsi Malak Abiyyi Acmad (Dr) Medemer Mabla wagsiisak yuktube 4hele Kitab "Medemer Doolat" Axcuk Muggaaqise Wagsiisak Fana Media Korporeeti Lih Walal Abeh Suge.

Medemer Doolat Atlaake Aw Garqa Wagsiisak Leh Tan Mabla Wagsiisak Essero Raddi Yeceh Yan Naharsi Malak, Garqa "Medemer Doolat" Xiqsitta kitaabal Nummale Taqabi Kinnim Qaddoose.

Naharsi malaak, garqa namma gital meklaanam xiqqimtah iyyeh yan num, inki gital sahlin garqa axcuk tamixxigem warse.

usuk baxxaaqiseh tah madqak iroh yan mekla kinnim ayfaf xayyoyse kee oggoleh fanat ayfaf geyuh gitah yan gital.

usuk yescessem nammey heele qaynatih garqa kaxxa umaadoobi deqsita, tah dibuk numtin amoh fanat hinnay canka kee buttaati fanat takkem kinnim qaddoysak.

Mango Baaxooxal Tumbulle Annah Tan Garqak Astooti Milaaguk Afal Itiyoppiyal Kaaduk Tumbullem Kassiise.

usuk iyyem milaagi yekkek qemmissa haanam, tannah tan garqa doolat mirocti dagoom tablem.

Takkay Ikkah, Usuk Iyeh Sahlinim kee Baarimte Garqa Qaynatih Baarluk Geytimam kee Siirat Rakuh tan Siirat kee Ayfaf mattacayyo Tah Kalaloonuh Maqarroosak Geytimaanam Qaddose.

Ceelalloh, Ayyuntiinô Caagidih Malaakak Inki Fanteenak Ayfaf Yaysixxigem Kee Away Elle Geytimta Fanteenak 20 Fanah Akah Baarisan Innah Abak Geytimaanam Qaddoose.

Ta Aydakaakan Kaxxa Magaaloolul Hawaasa, Wolayta Soodo, Arbaminch, Bonga, Asosa, Gambella, Bahir Dar Kee Dessie Magaaloolul Qimbiselem Yescesse.

Usuk Iyyem Medemer Doolat Warka Model Leh Tan Gibdi Garqa Lowsiisoonuh Duddale Rakiibo Gintem kee Weed Model Leh Tan Sahlin Garqa Kalaluh Angicilem Faxxam Qaddoose.

Tahak Ugut Abak Taqabi Daggowtuh Doolat Ummatta Lih Cattiimak Fayya Le Caddol Taamitele Axcuk Qaddoose.

#Ityoppiya

#Ityoppiyah_Xaagi_Raceyna ENA