11 Takke Siyaasa Missoynaani Inki Agat Caddoh Parti Akku Xissimen - ENA Qafar Afa
11 Takke Siyaasa Missoynaani Inki Agat Caddoh Parti Akku Xissimen
Addis Ababa Ximolik 14 Sanat 2017 (ENA)
Dooro Bordil Tunkuttube 11 Takke Baxaabaxsa Le Siyaasa Missoynaani Sitta Fan Angaluk Inki Agat Caddoh Parti Akkuk Xissiimen.
Tama Agleh Xissimteh Tanimi Agew Qadli Kee Demokraasiiy, Agew Agat Malah Buxaay, Tigray Demokraasi Parti, Dongah Ummattah Demokraasi Parti, Mocha Demokraasi Parti, Qargobbah Ayyuntih Demokraasih Angagoyyaay, Qafarak Amo-Baxxaqah Foocih Parti, Gaamo Demokraasi Partiiy, Kaafah Ummattah Demokraasih Missoynaay, Kaafa Anxarin Parti Kee Gambellah Ummattah Demokraasih Angagoyya Kinninon.
Tama Parti Asaakih Ayro Xisne Kobox Gexisak Geytiman.
Ta Partih Agle Abaanam Elle Xiiqan Kibne Kibaanam Kee Tanih Tan Caalatitteh Tatre Inki Sanatih Gideh Bica Abak Sugen.
Tama Partih Agle Baaxo Salaamaay, Dadal Kee Muddaqiinuh Taamitta Parti Akah Xissimtannah Abtam Kinnim Yiysixxigen.
Xisne Koboxul Yab Abteh Tan Itiyoppiyak Agatak Dooro Bordih Gaaboyseh Tan Meelatwerk:- Siyaasa Misosynaani Loonuh Yanin Baxsa Aciynisuk Sittin Assakoxxi Gexsol Inki Missoyna Akkuk Xissimaanam Gadda Akah Gacsan Kaxxa Abto Kinni Axcuk Qaddosse.
Tama Agle Qaagooy, Salaamaay, Demokraaso Maqarroosiyyal Ceelallo Takkem Kinnim Ascassuuk, Bordi Kaaduk Tahal Faxxiima Qokol Abelem Tiysixxige.