Qafar Rakaakayak Raqsinni tekkookah ayfaafay 2017 sanatih taamah ikraaro Booluk 111% gaba abbinoose

Addis Ababa Ximolik  1 Sanat 2017 (ENA)

Rakaakayak Raqsinni tekkookah maysarraqah ayfaafak miraacah yan gifta Jamaal macammad 2017 abnisso kee 2018 ikraaro wagsiisaak

Raqsinni tekkookah maysarraqah ayfaf xissiimay akah Beyan Innah  8 sanatah abah yan taama sanaatak sanatal aysiisuk geytimam yiysixxige.

2017 ikraaroh luk sugeenim 20000 maysaqarra agdubenno yaanamak sugtem kee abnissol 22245 maysaqarra yagduboonu xiqeenim qaddoose.

Raqsinni tekko elle Taamittam Ubukuaay,rabaay rahim kee cabti Kinni.

gifta Jamaal ni rakaakayih ayyunti ubukyaakkalih tekkoh kaxxa cubbi aham fanah aceewaam qaddooseeh.

Celalloh tatre sanat fulale taamah xalu elle geyak abniswok caddo fayya elle intu xiqtem ubukya maysaqarra kinnim yiysixxige.

Ubukya maysaqarra edee anuk kalah tan maysaqarrak ayyunti baritto geyakaay meqe taamah xali akah geytimannah mangom rabaay cabtii kee rahim garil akak akkiiy gabat akak akkibyakke shariiqa kee qaafiyat exaaxi lih tittin gey qusbannal abak fooca fanah tayse taama akah takkennah ikraariseenih yaniinim Kassise. 

Baxsaluk kulli raba jinaaza salaatal akah yaktuben innaay kulli cabti elle takke sharqih amol akah tamixxigennah mihrat leela shariiqa marallih akah dacartannah shariiqq marallih tittingey abak tayse taama abeloonum qaddoose.

Tatre sanatak baritak meqe exxa kulsaluk akah gexxannaay boolale exxa elle yaysiiseenim xiqan gurra cubbit haak 2018 sanatal 34675 maysaqarra akah yagduben innah ikraariseenim Baxxaqse.

Ikraaro elle faxximtannal aracat gace kalta taqabittek mangom tanim qaddooseeh Baxsaluk gubal yanihbyan miraaciini kardit abe waan lowsisi kaxxa gexe kala akkuk geytimam yiysixxige.

Kardik kulli daqaarah faxximtah gide sanatal namma adda ruubaanam takkay immay daqooritil yan miraaciini abe waa lowsiisiik gexxaamah gabal akak haan mari isi tuxxiiq edde girrisak yaaqareenimih taqabi mangokkel amaballayuk geytimam yubluuse 

Elle caboluuy Raqsinni tekkookah maysarraqa tuxxiiqik lem ummatta barisaanaah ayyuntah ayfaf elle faxxiimannal yaceenimil inkihbtan maglab leela inkim edde akkaluk taamittam faxfimtam kassiise.

Baxsalukuuy xaltani ken xaylo ubujya kardi geytaamat mangi tuxxiiq yanim kee kardi allewaanamak ken yaafu waa taqabik masquuliyat keenil radam aaxaguk xayloh ubukya kardi yayyaaqeenimih masquuliyatak yawqeenim faxximtaamih farmo tatruse .

Tonnah daqoorit miraaciini kardit takke buulo kee gita maliino^gabaaya nagay fokkaaqak ayyunti kardi akah yan cindah geyaamal isinni dirkik yawqeenim faxximta yaanam iyye.