Dooro Bordi Qasri Teknolooji Tuxxiiqil Asisam Elle Xiiqa Madqa Qokol Akak Geye - Gifti Melatwerk Haylu

Addis Ababa Ximolik 1 Sanat 2017 (ENA)

Itiyoppiyak Dooro Bordi Ahak Afal Luk Suge Kuktal Aafuk Sugteh Tan Abnisso Kee Maqnisso Taqabitteey Tonnah Teknoloojih Abbinoosiyya Madqal Rakiibo Abak Abbinoosaanam Elle Xiiqan Madqa Qokol Akak Geye.

Ummattah Awlaytiitih Malah Buxa Itiyoppiyah Doorooy, Siyaasa Missoynaanih Maysaqarra Kee Doorok Meqem Kaban Kukta Diteli Alsak 10 Sanat 2017 Faaticiseenih Yaniinim Tamixxige.

Itiyoppiyak Agatak Dooro Bordi Saqlah  Tan Melatwerk Haylu:- Ahak Afal Sugeh Yan Kuktal Sugteh Tan Coocitteh Calli Akah Aboonuh Hangi Abak Kukti Missoosiyya Akak Abeenim Tiysixxige.

Kukta Aysiisuk Yeyyeqeenimi, Taamay Tonnah Maqnisso Kee Abnisso Katuk Sugteh Tan Coocitte Yafxiguh Kaxxa Doori Lem Ascassuuk:- Baad Caddibnal Tuxxiiqil Asah Yan Teknolooji Abbinoosaanam Elle Xiiqan Dudda Kinnim Qaddosse.

Ossetinah Sayyooy, Erkannaleela Kee Qunxaaneyti Gabat Agle Fayya Haamaay Tonnah Doolat Taama Abeynit Faritiyyah Xayyowtam Elle Xiqta Caagiida Bica Le Gurral Akah Xayyowtannah Ta Maysaasa Faxxiimak Sugteh Tanim Tiysixxige.

Teknoloojit Yantiffiqimeenimi, Doorah Yan Ayyunti Dijital Dooritil Elle Yanikkeek Dooroh Appilikeeshin Oobisak Yankuttubem Elle Xiiqah Yanim Qaddosse.

Ossetinah Dooro Fanteenitil Geytimak Koobahisa Marih Katuk Yankuttubeenim Xiiqimtah Tanim Kassisse.

Teknolooji Kaaduk Edde Dooqaysimoonuh Xabcinim Kee Bica Lem Kinnimih Taagah, Ummatta Kaaduk Dortaamih Fayxi Fayya Haytam Kinnim Kassiisaak:- Baxsa Luk Dooro Gabat Afle Diggossam Kinni Axcuk Qaddosse.