Baddi Forda Geyaanam Wagsiisak Tewuqeh tan Madqooqi Abnisso Diggowtam Faxximta - Gifta Abdulber Shemsu

Addis Ababa Ximolik 1  Sanat 2017 (ENA)

Baddi Qandeh Aracal Geytimta Baaxooxah Baddi Qandeh Gaar Akah Yasmiten Innah Baadak Madqah Rakiiboh Abnisso Maqarosaanam Baxsale Hangi Faxximtam Itiyoppiyak Meritsyin Reedonuk Naharsi Dayrekterih Yan Gifta Qabdulber Shemsu Qaddoose.

Sidoc Heele Galli Maroh Eglak Baaxoh Addah Daddosah Tan Baaxooxah Konferensi Turkmenistan Addal Gexsitak Geytima.

Ta Konferensih Xaqul, Sarimanele Daddos Daddos, Angaaraw Maqarroosaanam kee Waado Sinni Tabaatabsi Ayfaf Siirat Wagsiisak Asaaku Walal Gexsen.

 

Tama Walalal Yab Abeh  Yan Itiyoppiyak Meritayin Reedonuk  Naharsi Xayrekterih Yan Gifta Qabdulber Shemsu Is Le Katuk Itiyoppiyak Baddi Qandeh Miraaciinu Sarrimanele Rakiiboh Daddos Kee Duddale Tabaatabsih Siirat Itiyoppiyak Daddos Makcaggurul Hangi Elle Yaceen Lafale Arooca Kinnim Qaddoose.

Taturte 10 Sanatih Addat Itiyoppiya Gititteey,Qabur Gitaay,Kafin Fordaadi Kee Lojistik Fanteenaani Edde Anuk Merayti Rakiiboh Daddos Caddol Mango Investementi Abtem Kassiise.

Naharsi Xayrekter 750 Kilo Mitirih Xexxaaral Addis Ababa Kee Jabuuti Baabur Gita Ceelalloh Xayyoose.

Anxaxin Koridor Fayya le Doori Digirak Geytima Bayisiya kee Tabaatabsa Wakti Yaqusbuseenimih Caylat Racisen Gombod Mali Antifiquk.

bacra kafin marsoosah xisne marsoosah ceena daggoysaanamaay, mango welule merrayti maqarroosaanam kee gumruuk ayfaf bicisoonuh doori digirak geytimam qaddosen.

Itiyoppiya Rakaakay Tellemmo Kee Qidaddo Angaaraw Diggoysoonuh Koridor Rakiiboh Yan Angaaraw Model Abbinoysak Geytimtam Yescesse.

 

istraateejik daddos koridoritte tanim, "lapset cugayso" ityoppiya kee jiboutiy, addis ababa kee nayroobi, tonnah ityoppiyaay, kiniya kee gabbi suudan merrayti gitaak yasgooroweenim.

Usuk Elle Yescesenal Inki Xangabu Elektirooniik Ayfaf, Xijitan Gumuruk Ayfaf, Oyti Angaaraw kee Kalah tan Xijitan Siirat Rakiibo Daddos Addat Abtol Asisak Geytimaanam Qaddose.

Naharsi Xarekter Elle Yescesenal Itiyyobiyak Rakiiboh Daddos Makcagguru Inkih Sitaluk Afrikah Qarangubal Currik tan Kabxah Araca (AfCFTA), Qadaaga Wadba Diggosele.

Baddi Gaar Kee Gaanun Rakiiboh Wagittaamal, Itiyoppiya Baad Madqah Ugut Abak Baddi Aracal Geytimta Gaar Kee Baddi Aracal Geytimta Baaxooxah Tabaatabsih Gaar Dacrisoonuh Kaxxa Hangi Aceem Yiysixxige.

Kalah tan Baad Caddoh Cogdaadi, Galli Maroh Eglak Fayale Caddoh Mihratleela Edde Anuk Awazah Abini Tadeerah Ugutak Baaxoh Addal Geytimta Baaxooxah Madqa Gaarih Dacayroh Doorititte Gorisoonuh Xisimte, Baadak Tabaatabsi Cakkih Abinosiya Xayih Fokaqanam Faximta.

Itiyoppiya Baddi Kinnim Kee Tabissah tan Baaxooxah Gaaritte Abbinoysoonuh Madqa Gital Xissimte Masquliyyat Kee Rakiiboh Gita Dirkih Akah Abtannah Abaanam Faxximtam Yescesse.

Rakaakay Caagiidal Itiyoppiyaay, Uganxay, Jabuuti Kee Gabbi Qaxih Suudan Sitta Lih Xissimteh Tan Koridor Xiinissoh Exxa Kabxah Gitittel Qaddoosiyyi, Dudda Kee Qadliino Ossotinah Akah Diggoosan Innah Abeloonum Yiysixxige.

Itiyoppiya Inkiinki Cudud Ayfaafayih Xisne Kee Gumruuk Madqitte Sittat Akah Geytannah Abaanam Edde Anuk Poolisitte Abbinoysoonuh Meqe Angagoyitte Abak Geytimtam Kassiise.

Naharsi Xaarekter Afrikah Gaysal Qidaddo Tabaatabsa Arac Xagtuh Rakaakay Kee Baad Caddoh Daddos Qokolih Sitta Lih Taamitak Seeco Xayyoose.

Sidoc haytoh Galli Maroh Eglak Baddi Afat Geytimta Daddosah Tan Baaxooxah Konferensi Beera Gabakalelem Warsen.

#Ityoppiyah_Xaagi_Raceyna
#Ityoppiya
#Ityoppiya