Gabbi Koriya Itiyoppiyal tan Banaadamiinoh Qokol Aboonuh 10 Miliyoonih Doolarih Qokol Abte.

Addis Ababa Ximolik 1 Sanat 2017 (ENA)

Rippablik Kooriyah Doolat UNICEF Itiyoppiyah Banaadamiyyoh Taamah 10 Miliyoonih Dollarih Qokol Abte.

UNICEF Itiyoppiyah Awlaytuh Yan Abubakar Kampo (Dr.) Tama Qokol Tama Egla Banaadamiyyoh Taamah Sissik Maaliyyah Qokol Faxxah Tan Uddur Kinnim Kee Baadak Maaliyyah Gadditte Kafsak Geytimta Uddur Kinnim Yiysixxige. 

 

Ta Qokol UNICEF Taama Yayseh Yan Xalootu Baahele Axcuk Qaddose.

Itiyoppiyal Reboblik Koriyah Ambasadder Jung Kang, Ta Qokol Banaadamiyyoh Fayxi Kibnuh Linom Fayxi Diggoysa Axcuk Qaddoose. 

Itiyoppiya Kee Gabbi Qaxih Koriya Aydaadi Angaaraw Kee Sittin Massakaxxal Rakuh Tan Xex Waktih Kataysiini Leh Tan Baaxooxa Kinnim Kee Gabbi Qaxih Koriya Koriyah Carbih Uddur Itiyoppiyah Ummatta Abteh Tan Doori Qigdu Habbeltam Matan.

Itiyoppiyak Qawwalaylah Addat Geytimta Sayyo Kee Sayyoh Qokol Akah Aban Innah Kay Doolat Bisoh Axcelem Yiysixxige.

Tama Qokol Qafar, Amaara, Oromiya, Benishangul Gumuz, Gabbi Ayro Mawqah Itiyoppiya Kee Tigray Rakaakayittel Geytimta 365 Alfiik Daga Takke Ummattah Tuxxiq Abelem Yiysixxigen.

Tah Qimboh Addah Saytun Maqub Lee Geyanam Osisoonuh, Naharsi Qafiyat Ayfaf Maqarosoonuh, Sissik Mano Catoh Taama Akah Aban Innah Kee Bood Kee Hawa Milaagih Biyak Leh Yan Aroocal Doorimte Banaadamiyyoh Cato Akah Aban Innah Abak Geytimaanam Warsen.

Qaafiyat Dacayrih Malaakittey, Lee Kee Caylaay, Kee Iroh Caagidah Malaakitte Isini Awlaytit Fanah Gabbi Qaxih Kuriyah Doolat Xayyosseh Tan Qokol Gadda Gacisak Ta Tadeera Akah Gexannah Isinni Masquliyyat Akah Kibtannah Abak Geytimaanam Qaddosen.