Kalali Qande Anxaxin Raatih Yaddeera Qaadaa Abinah Haysitak Gexe Leh Tanim Filxi Marshall Birhaanu Juulaay Qaddoyse.

Addis Ababa Ditelik 9 Sanat 2017 (ENA)

Kalali Qande Anxaxin Raatih Taddeera Abinaay Qaddah Haysitak Diggoosak Gexe Leh Tanim Qande Amo Raaqa Itaa Masjor Shum Filxi Marshall Birhaanu Juulaay Qaddoyse.

N/Malaak Dr Abiy Acmad Asanatih Anxaxin Raatih Taddeera Daabisak Angedeedenno Itta Mablal Waysuk 20/2017 Qinbisiiseh Yanimiiy Tamixxige.

Kalali Qande Asanatih Anxaxin Raatih Taddeera Qinbisisso Kalali Qandeh Gasoh Addalaay Gexsen.

 

Ta Qinbisissoh Aracal Kalali Qandek Daga Raaqa Amriseena Itaa Maajor Shum Filxi Marshaal Birhaanu Juulaay Qandeh Abbobtiiy Qande Mokonninwaa Kee Miraacinni Elleey Geytime.

Filxi Marshaal Birhaanu Juula Ta Aracal Elle Qaddoyseh Yan Innalaay Kalali Qande Taturteh Tan Liggidit Akkuk Temeete Anxaxin Raatih Taddeerat Tayseh Tan Gabat Agle Luk Sugeenih Yaniinim Kee Wuxi Kinniih Bisoh Haak Gexe Loonumuuy Kassiise.

Kali Qandeh Malaakih Xeeta Toomas Tuttu Elle Yescesseh Yan Innalaay Kalali Qande Maadu Dacrisaanam Kee Say Diggoysaanam Taturak Dariufâ Dacayrit Digga Le Gabat Agle Leh Tanimiiy Yescesse.

Asanatih Anxaxin Raatih Tadderah Kalali Qande 18 Miliyeeniik Daga Takke Baaxoh Addah Coox Kee Maaqiddah Tan Coox Daabise Loonuh Yaniinimiiy Timixxige.

#Itiyoppiya
#Itiyoppiyak_Xaagi_Raceena
#ENA
#Anxaxin Raatih Taddera