Itiyoppiya 2 hele Afrikak Hawa Caagiidah Daffeynal Anxaxin Daddoosih Meqe Abakraag Xayyoosele - Plan Kee Daddos Malaaka

Addis Ababa Ditelik 8 Sanat 2017  (ENA)

2 hele Afrikak Hawa Caagiidah Daffeyna Arcibisaanamak  Ossotinah Itiyoppiya Anxaxin Daddoosih Meqe Abakraag tama Daffeynal Xayyooselem Plan  Kee Daddos Malaakih Deetah  Yan Gifta Seyom Mekonnen Qaddoyse.

Tama Kobox Arcibisoonuh  Baarle Bica Abak Geytimam Qaddoyse .

Itiyoppiya Ximoli Alsih Addat Afrikah Inkiino Lih Cattiimak 2hele Afrikah Hawa Caagiidah Daffeynah Bica Wagittaamal Baadak Qokol missoynaani  Kee Ayyunti Awlaytit Lih Walal Gudgud Gexisen.

Plan  Kee Daddos Malaakih Deetah  Yan Gifta Seyoum Mekonnen Afrika Hawa Milaagih Caagiidal Dago Doori Lem Takkay Ikkah Kaxxa Taqabi Teetil Kataasak Geytimam Qaddoyse.

Qabaaray, Weeqi Qawwalaylaay, Dalka Baxaciyyaay, Garbo Gira kee Kalah Tan Taqabitte Qarangubal Hawa Milaagih Gibdaabina Gexxaamah Taqabi Tet Maadak Geytima .

Tahak Ugut Abak Afrikah Caddol Baxaabaxsa Le Maaqattooti Beyak Geytimaanam Yiysixxige.

Itiyoppiya Kaadu Hawa Milaagih Xisneh Tan Anxaxin Maduur Xisoonuh Pooliisi, Istrateej Kee Madqah Rakiibo Bicisak Geytimtam Kassiisaak Diggale Maaqattooti Beyak Geytimtam Kassiise.

 Milaagih Taqabi Kalaloonuh Baaxoh Addah Gititte Dadlisoonuh Arac Akkele Axcuk Doolat Malak Yescesse.

Dadle Baaxooxa Hawa Milaagih Qawwalayla Kalaloonuh Maaliyyah Qokol Aboonuh Sittin Gey Abeenim Takkay Ikkah, Taturte Tabna Sanootah Addat Geytimte Lakqoh Qadad Dago.

usuk yescesseh too koboxuk hadaf beyak geytima maaqattooti baarluk kee yayse gital abtol asisaanam xiiqimtam kinni.

Ta Gudgud Baaxo Saqolti Caddol Baxaabaxsale Margaqooqi Elle Edde Aban Arac Kinnim Kee Ta Konferensil Ila 25 Alfih Qibinitte Edde Angalelem Yiysixxige.

Itiyoppiya Leh Tan Miraaciini Doori Diggoysak Leh Tan Abak Raag Elle Tabsan Arac Kinnim Kassiise.

Ta Konferensi Baaxooxa Uguteh Yan Qawwalayla Korisaanamal Diggaluk Diggoselem Kassiisaak Itiyoppiya Ta Konferensih Kaxxa Bica Abak Geytimtam Yiysixxige.

#Ityoppiyah_Xaagi_Raceyna