Naharsi Malak Abiyyi Acmad Laqiin kee Waysi Alsat 2017 Faximtah Tan Taamoomi Abeh, Kay Doolat Sarimanele Agat Daddosul Abak Geytimta Mangom Qidaddo Daddosuuy, Teknolojih Luddal Daddos, Istraateejik Diplomasiiy, Sarimanele Daddos Edde Anuk.

Ta alsih addat Naharsi Malak Abiy Acmad baaxoh kinnuk walal qaada kee qasriinô siyaasa diggossuh baxa baxsale wagiitah yan xagar luk baar le walal gexse. 

Toh tonnal anuk, Naharsi Malaak, Nayjeeriyak Ciggiila Pirezdantih Yan Kashim Shettima; Ta Sanatih Anxax Tabna Sanatih Tadeera Fayale Doolat Miraciinu kee Kalah tan Diplomasih Ayyuntiinoh Adoytit Edde Anuk Baxaabaxsaluk Yeysexexege.

Alsi Gideh Sugeh Yan Tama Bica Naharsi Malak Abiy Acmad Agattiinah Doolatal Gexsen Tadderal Itiyoppiyak Giffole Massakaxxah Lakqo Bill Getes Acwak Qimbisen. Ta Massakaxxale Acwa Gates Fawunxeshin Taturte 25 Sanatih Addat Itiyyobiyal Abeh Yan Gibdaabini Taama kee Tuxxiqle Sarimanele Meqe Xalootu Mamaxaga Tace. 

Massakaxxale Naharsi Malaak Fawunxeeshin Qaafiyat, Buqre, Dijital Kinnaane, Kee Massakaxxal Rakitak Maqarle Qokolul Abak Geytiman Macalitte Kassiise.

Daddos taamoomi wagittaamal barri ayyuntih mano yaysiisoonuh qemmisen barri korridor kulli dariifal baarimiyyat geytima. 

Caxah Alsih Addat Naharsi Malak Dr Abiy Acmad Fanti Itiyoppiyah Rakaakayak Baxaabaxsa Le Zon Kebelel Barri Koridor Daddoosih Exxah Tan Barri Koriderih Xisneh Taama Qimmise. 

ceelalloh barri mandaritte dago awqenta leeh, dariifal geytimta gaddat xissimteeh, buqre-abah qaafiyat kee massakaxxa le mano akah tantacawwennah abta.

Tama Dariifal Akkuk Geytimta Buqre Daddoosih Taamoomi Gufne Aben. Tama Gufneh Uddur Weeqa Kee Qabaaral Tamixxigeh Tan Dariifa Daddos Ceelalloolah Tabaatabsaanam Yublen. 

Dariifal Abak Geytimta Taama Baxsaluk Qelbo Kee Caxâ Miri Kee Caxaaxuwi Buqrel Abak Geytimta Taama Kaxxam Aydukumusa Naharsi Malaak Abiy Acmad a liggidih addat abeh yan kaxxa taamoomik tiyak teyna Itiyopiyak Baadal taybullih affara exxak baxsale walal kinni.

Taturte Malcina Sanatih Addat Inkih Tan Luddal Baaxoh Innah Tunkuttube Arac Xagteeh, Boodeh Yan Taqabite kee Taqabitte Yafdigoonuh Beyan Maqattooti Baxxaqiseh. 

 

Tama walalih addat Naharsi Malaak Ityoppiya bisoh iyya safar kee dadal kee bisô maxcoh wadba maca Abtam Elle baxxaqise.

Naharsi Malak Abiy Nayjeeriyah Gabbaaqu Lih Abeh Yan Walalal Itiyoppiyak Faxxiima Fayxi Kibtam Xiqtah Tan Istraateejik Investimentih Arooca Caagiidal Walal Abe. 

Tamaha Lih Namma Baaxo Kee Rakaakay Caagiidal Sittin Fayxih Caagiidal Ameerikak Baddi Qande Kee AFRICOM Komanxer Jeneral Maykil Langley Lih Walal Abe. 

Massakaxxale Naharsi Malaak Abiyyi Acmad Diplomaasih taamoomi bisoh elle heeh yan innal; Waysuk, Baadak Atomik Enerjih Ejensi (IAEA) Saqalah Yan Mariano Grossi Lih Walal Abe.

Baadak Atomik Caylih Ejensik Itiyyobiyal Abak Geytimta Qokol Kanser Dacayriiy, Saqi Qaafiyatay, Duyye Lowsiisiyyay, Nukleer Injineeringiy, Kee Edde Lowsis Rakiiboh Hangi Akah Yaceen Innah Abe. 

Namma Walal Aben Qokol Kee Fooca Fanah Qokol Saamitte. 

Gersi katuk Massakaxxa le Naharsi Malak Abiyyi Acmad Baaxoh Innah Walal Qaada Kee Qasriinô Siyaasa Dadlisoonuh Caxah Alsih Addat Baxaabaxsale Lafa Le Dagorti Lih Fidin Walal Abe.

Tahak Ugut Abak, Qalaltah Tan Siyaasâ Partitteh Awlaytit, Mixigih Ayyuntih Awlaytit, Barseenit Awlaytit, Miidiyah Mihratleela, Qaafiyat Dacayrih Awlaytit, Kee Kalah Tan Ayyunti Adoytit Lih Walal Aben. fayi gexsit kaadu kusaaqime saamitte kee yeeyta maaqattooti kulli luddal, tonnah coocitte kee gexkalit.

Kalah massakaxxa le naharsi malaak Abiy Acmad baxsa le hangi kah yeceem kee baxaabaxsa le afkanitte elle daffeese aracay caxah alsa Teknoloojih sekterih daddos kinni. Tah Massakaxxale Naharsi Malaak Edde Anuk Saynis Muuziyeemik Maytani Mayballaah Exxa Qaduuk Fakkimte. 

 

Ta Ruftole Bica Koona Maybalah Luddal Hangi Akah Yeceen Artifishal Intelejensiy, Hawa Milaagi kee Itiyyobiyah Raddi, Buqreey, Leeh Cayla kee Cayla, Tonnah Aeronotiks kee Aviation.

Tah ni baaxoh misso kee teknoloojih xoqoyso leh tanim tayballe.

Ossotinah, Qimboh Addah Arac Weelole Mablale Ankacsih Handag Ni Baaxoh Addal Kaaduk Fayxisen. 

1,000 murabbaqih mitir kee 36 mitir xiyaamitir le handagal qasri 4k xijitan taswiir teknoloojih silac le. Satlaayit qaran baad yaybulleem kaxxam oyti gita, fayyale mexxat leeh, assakat le muucitte xayyoysa. 

Gersi Katuk, Baaxok Dariifa Dacayrih Luddih Daddos Faxxiima Agat Caddoh Cugaysoosa Naharsi Malak Abiy Acmad Qaddoosem; Ta Sanatih Anxax Tabna Sanatih Taddera Baxaabaxsale Qimbimeh "Coox Dabisiyyal Taamitaanama".

Anxax Raat mango tuxxiq bahte kabxa. Ta sanat daabiseenih yanin cooxuk 47.5 bilyoon gufelem qambaalan tah, ciggiila sanat daabisnam lih ossimteh, 54 bilyoon gufnam xiqsissa.

Amolladih ta alsa massakaxxale naharsi malaak abiyyi acmad maftacak tan luddittel baar le bicitte elle gexsiise alsa kinnim kee agat caddol siyaasaay, qidaddoy, ayyuntiinooy, dariifaay tonnah kaadu xijital kee innovation luddal abinal maaqatta beyoonuh faataciseh yan alsa kinni. 
Inkih tan Angagoyyitte Itiyyobiyah Dadal Cudud kee Baad Gudgudul leh Tan Tuxxiq Yaybulleenim Hadaf Leh Yan Takkooka Kinnim Warsen.