Itiyoppiya Edde tangaleh tan Afrika-Ameerika Tellemmô Gudgud Luwanxal Qimbisen.

Addis Ababa Waysuk 16 Sanat 2017 (ENA)

Itiyoppiya Edde tangleh Tan Afrika Kee Ameerikah Tellemmoh Kobox Angoolak Luanda Magaalal Baxaabaxsa Le Afrikah Mirocti Kee Ameerikah Doolatak Fayya Le Mirocti Edde Angalelem Qaddoosen.

Pirezdanti Taye Atsekhe Selassie Miraacisah Yan Itiyoppiyah Erga Tama Daffeynat Angaluk Kimaalih Ayro Carra Luwanxa Magaala Guftem ENA Xaagi Qawaytu Tiysixxige.

Ta Butta Angoola Guftewak Ta Baaxok Fayya Le Doolatak Miraciini Kaxxam Ruffa Edde Hayte.

Ta Sanatih Afrika-Ameerikah Tellemo Daffeyna Baxsale Caddol Temeetem Ameerikah Berezixanti Xonalxi Tirampi Xinto Ameerikak Iroh Caagidah Boliisi Afrika Fanah Catol Rakitak Kabxxa kee Investementil Rakuh tan tiya fanah korsoonuh Margaqa beyte.

 

Tama Kobox Angoolal Gexsitak Geytimam Kee Baxsa Luk Tama Baaxo Curriino Leh Tan 50 Heele Sanatih Qaffayda Assakaxxuk Geytimtam Kee Angoolah Pirezdantih Yan João Lourenço Away Afrikah Inkiinok Saqal Akkuk Geytimam Warsen.

Tama Koboxul Baxaabaxsa Le Afrikah Baaxooxah Miroctiiy, Malaakaay, Fayya Le Doolatak Fayya Le Mirocti, Tonnah Kaadu Namma Katuk Tewqeh Tan Ameerikah Doolatak Fayya Le Mirocti Kee Business Mirocti Edde Angaluk 1 Alfi 500 Takke Maritte Angalele Axcuk Qambaalan.

Ta Konferensi Afrika kee Ameerikah Fanal Kabxxa kee Investmentih Angaaraw Ossotinah Maqarosanam kee Fooca Fanah Akah Daffesan Innah Abak Geytiman Saamitte Kee Caagiidal Walal Akah Aban Innah Qambaalan.

Pirezdanti Taye Atsekhe Selassie Tama Konferensil Yaaba Abelem Kee Tama Konferensih Addat Baxaabaxsa Le Namma Baaxoh Walal Gexsitele Axcuk ENA Tama Konferensih Addat Geytimta Oytitte Qaddosse.

Tah tannal anuk Itiyoppiyak fayyale caddoh ergah adoytit kaadu tama koboxul panal walal kee kalah tan daffeynat angaluk geytimaanam warsan.

#Ityoppiyah_Xaagi_Raceyna
#ENA
#Ityoppiya