Kulli Caddol Geytimh Yan Miraacinni Ummattah Dudda Haanamal Ayfaafay Yaceenim Faxximtah Tanim Mustafa Macammadaay Yescesse.

Addis Ababa Waysuk 9 Sanat 2017(ENA)

Kulli Caddol Geytimah Yan Miraacinni Faxe Udduuruk Baxsa Le Gurral Ummattah Ayfaafay Yaceenimil Diggoowaanam Faxximtah Tanim Soomaalî Rakaakayih Perezixanti Mustafa Macammadaay Kassiise.

Leedâ Partik Soimaalî Rakaakayih Luddih K/Buxaa Kee Afrikak Miraacinni Akaxaami Siitallih Gacak Rakaakayak Fayya Le Miraacinnuh Affarra Ayro Gexsiak Sugeenih Yanin Aydakaakanaay Yumurriqqe.

Ta Aydakaakanih Illacabol Geytimak Yab Abeh Yan Rakaakayak N/Saqal Mustaf Macammad Awayih Uddur Tannah Tan Aydakaakanitte Faxximtah Tanim Kee Miraacinniiy Ta Aydakaakanak Duddi Maysaasa Biyak Ummattah Ayfaafay Yaceenim Faxximtah Taniimitiiy Yaabe.

Miraacinniiy Kulli Udduruuy Ummattah Ayfaafayah Hangi Yaceenim Faxximtah Tanim Kee Yaceenih Yanin Ayfaafayaay Qidiinooy,Digga Luk Yaceenim Faxximtah Tanim Kee Ta Gurral Ayfaafay Yacoonuh Tannah Tan Aydakaakanitte Nabaam Faxximtah Tanimiiy Baxxaqise.

 

Tonna Kinnuuk Aydakaakanitte Biyoonuh Miraacinni Fakut Gacam Faxximtah Tanim Kee Faxe Udduur Kee Weelol Ayfaafayah Gul-Guluh Gacaanam Faxximtamaay Qaddoyse.

Awayih Uddur Yaceenih Yanin Ayfaafay Technologyit Cattiimak Yaceenim Faxximtah Tanim Kee Udduuurû Luk Bicaah Sissikaanee Kee Mexxat Le Gurral Ummattah Ayfaafay Yaceenim Faxximtamaay Kassiise.

Ta Aydakaakanak Hadaf Tahak Sugteemiik Ugutak Beenih Yanin Aydakaakan Abbinoysaanam Faxximtah Tanim Kee Aydakaakanitte Foicâ Fan Ossiimak Gexe Leh Tanimi Mustafa Macammadaay Baxxaqise.

Rakaakay Caddol Mexxat Le Ayfaafay Cayuk Xaloot Le Taama Kah Takennaa Kee Ayyunti Essero Xayikkeekiiy,Mexxatalaay,Sissikaanel Gacsaanamih Qaada Baritnam Faxximtam Qagitaakaay Kassiise.

Ta Aydakaakanat Tengeleh Tan Rakaakayak Fayya Le Mirocti Rakaakay Caddol Ayfaafayal Amablluk Sugteh Tan Coocitte Xayikkeek Dambiyoonuh Ta Aydakaakan Ugtuma Keenih Kinnih Taniimitiiy Yaaben.

#Itiyoppiya
#Itiyoppiyak_Xaagi_Raceena
#ENA