12 Haytô Footimah Aqayyaare Saay Kee Salaamal Gaba Kaltuh Saay Kee Salaam Caylitte Kaxxa Doori Leh Tanim Barittô Malaakaay Yescesse. - ENA Qafar Afa
12 Haytô Footimah Aqayyaare Saay Kee Salaamal Gaba Kaltuh Saay Kee Salaam Caylitte Kaxxa Doori Leh Tanim Barittô Malaakaay Yescesse.
Addis Ababa Waysuk 9 Sanat 2017 (ENA)
12 Haytô Footimah Aqayyaare Saayaay Salaamaay,Tayse Gurral Gaba Kaltuh Saay Kee Salaam Caylitte Kaxxa Doori Leh Tanim Barittô Malaak P.R Birhaanu Neggaay Yescesse.
Sanat 2017 Lighidak 12 Haytô Footimah Aqayyaareh Mattaco Wagittaamal Saay Kee Salaam Ikraaroo Kee Gexso Wagittaamal Gud-Gud Gexisakaay Geytiman.
Ta Gud-Gudutuuy,Saay Kee Salaam Dagortiiy,Baxsa Luk Federaal Poolisiiy,Oytaa Kee Amni Dacayrih Xayrikterih Miraacinnuuy,Rakaakayak Saay Kee Salaam Dagortiiy,Jaamiqatittê Miraacinnuu Kee Kalah Wagsissah Tan Dagorti Edde Angalukuuy Geytimta.
Ta Aracal Yab Abeh Yan Barittô Malaak P.R Birhaanu Neggaay 12 Haytô Footimah Aqayyaareh Baxsa Le Hangi Kah Yeceenih Yaniinimik Sabab Beerah Baaxo Barittô Luddal Diggaa Le Hora Nagrisoonu Kinnih Tanimiiy Kassiise.
Horaay Qalalataah Dudda Le Hora Takkuh Tamcawweh Tan Aqayyare Garqaa Kee Ceele Sinni Abinitteetak Naggowtam Faxximtah Taniimitiiy Yaabe.
Taturteh Tan Sidiuca(3) Sanootah Amcawwuk Temeeteh Tan Aqayyaarel Sugteh Tan Taqabitte Missoysak Barittol Mexxat Le Hora Tatrusaanaah Diggoysaanamal Xaloot Yumbulleh Yanim Ta Malaak Tahallihiiy Kassiise.
Tahalaay Saay Kee Salaam Caylitteh Doori Kaxxa Caddo Leh Yanim Kee Taturteh Tan Sanootah Saay Kee Salaam Caylitte Tuybulleh Tan Kulsa Le Taamah Gaddaay Gacse.
Ta Sanatih Barteenitiy 150 Alfi Takkeh Tani Aqayyaare Onlineh Bee Leh Tanim Kee Aqayyaareey Xijjitaalâ Fan Korseenih Yaniinimiiy Baxxaqise.
Federaal Poolissik Komushineer Jeneraal Xemmelaash Gebre-Mikaa-el Poolisiiy 12 Haytô Footimah Aqayyaare Saay Kee Salaamal Gaba Kaltuh Macalak Temeeteeh Wuxi Kinniih Macle Leh Tanimiiy Yescesse.
Digga Lee Mexxat Le Baritto Le Hora Baaxo Nagrisaanm Digga Luk Faxximtah Tanim Kee Tonna Kinnuuk 12 Haytô Footimah Aqayyaaret Saay Kee Salaam Dagortih Gabah Assagolli Digga Luk Faxxiimah Yaniimitiiy Yaabe.
#Itiyoppiya
#Itiyoppiyak_Xaagu_Raceena
#ENA
#12 Haytô Footimah Aqayyaare