Itiyoppiyak Baddi Fordah Esseroh Caagiidal Tekkeh Tan Taamal Assakat Le Xalootitte Elle Amballayuk Geytima - Tu-Taaxago - ENA Qafar Afa
Itiyoppiyak Baddi Fordah Esseroh Caagiidal Tekkeh Tan Taamal Assakat Le Xalootitte Elle Amballayuk Geytima - Tu-Taaxago
Addis Ababa Waysuk 5 Sanat 2017 (ENA)
Itiyoppiyak Baddi Fordah Esseroh Caagiidal Maglableela Kee Baad Caddibnal Tekkeh Tan Taamal Assakat Le Xalootitte Elle Amballayuk Geytimam Qaddowte.
Faana Miidiya Korpooreshini Lih Walal Luk Sugteh Tan Tu Taaxago:- Itiyoppiyak Baddi Essero Agat Ajenda Faxe Waktiik Muxxih Fayya Iyyeh Yaniimit Yaaben.
Tama Caagid Ossoba Leh Tan Baaxooxa Xayikkeek Akah Kattaatan Innah Abteh Taniimit Yiysixxigen.
Baad Caddibnak Tellemmo Kee Ayfaafay Addat Culoonuh Baddi Forda Geyaanam Kaxxaam Faxxiima Caagid Kinnim Tama Tu Taaxago Abteh Tan Yaabal Kassisse.
Itiyoppiya Baad Caddibnih Maqdqal Rakiibo Abak Ugusseh Tan Baddi Fordah Essero, Baad Caddibnal Oggol Geyak Geytimtah Tanim Qaddoosen.
Walayta Soddoh Jaamiqatak Siyaasa Kee Baad Caddibnih Angaarawih Barseyna Ke Afrikah Caafiidah Kusaq Abeh Dr. Nigatu Abbebe Elle Yescessennal:- Doolat Taturte 30 Sanootah Xaggiimak Suge Wayteh Baddi Fordah Essero Ummatta Fayxik Rakiibo Abak Ugutteh Tanim Yiysixxige.
Ta Caagid Agat Ajenda Kinnuuk, Faxe Waktik Muxxih Fayya Iyyeh Yanimit Yaabe.
Itiyoppiya Badak Texxeerem Qadliino Sinna Kinniimit Yabteh Tanim Kaaduk:- Wachamoh Jaamiqatak Siyaasa Kee Baad Caddibnih Angaarawih Barseyna Kee Kusaq Abeh Endale Mulatu Kinni.
Itiyoppiya Aydaadul Baddi Forda Luk Sugte Migaq Gacissyk Tet Wassam Ane Waytam Ascassuuk, Baad Caddibnih Madqa Tet Qokoltah Tan Abto Kinnim Yiysixxige.
Tama Tu- Taaxago Elle Qaddossannal:- Itoyoppiyak Baddi Fordah Essero Baad Caddibnih Madqa Fanteena Abak Bisoh Edde Gexeenik, Raddi Akak Geyoonuh Kaxxa Saami Leh Yan Caagid Kinnim Qaddoosen.
Itiyoppiya Ugusseh Tan Essero Faxximta Essero Kinniimih Taagah, Ameerika Edde Anuk Ossobba Leh Tan Baaxooxa Hangi Akah Teceh Tanim Kassiisen.
Forda Kee Rakiibo Daddoosittel Sitta Lih Daddoosaanamih Abak Raagat Antiffiqimuk, Itiyoppiyak Dadal Fayxiiy, Ossimak Geytima Ummatta Qadadh Yakke Maddur Xissiimuk Baddi Fordah Esseroh Raddi Akak Geyaanam Muddaqiini Caagid Kinnim Qaddoosen.