1 Miliyoonuuk Daga Yakke Mari Daddos Seftineetik Sarrimaane Le Mano Maysaasa Fan Taben - ENA Qafar Afa
1 Miliyoonuuk Daga Yakke Mari Daddos Seftineetik Sarrimaane Le Mano Maysaasa Fan Taben
Addis Ababa Waysuk 5 Sanat 2017 (ENA)
450 Miliyoonih Doolarah Abbinoosak Geytiman Magaalak Daddos Seftineetih Taddeeral 1 Miliyoonuuk Daga Yakke Mari Sarrimaane Le Mano Maysaasa Fan Taben.
Magaala Kee Rakiibo Daddoosih Malak Culentak Addah Tan Caddo Leh Tan Baaxo Xaylo Qokkolsimiyyak, Murtisso Fan Tabisaanamih Taama Tekkeh Tanim Yiysixxigen.
Magaala Daddoosih Seftineetih Taddeeral 88 Magaaloolil Abbinoosak Geytimaanam Tama Malaakak Magaala Maaqiddih Kibaalih Kutbeh Buxah Saqal Gifta Birhanu Teshome Faana Miidiya Korporeeshinih Qaddoose.
Ta Taddeeral Sanat 2009 Qimbiseenik Annak 2 Ximmooy 5 Miliyoonuuk Daga Yakke Mari Tuxxiq Akah Geyannah Abak, 1 Miliyoonuuk Daga Yakke Mara Kaaduk Sarrimaane Le Mano Maysaasa Fan Ken Tabiseenih Yaniinim Yiysixxige.
Tama Saqal Elle Yescessennal:- A Sanatih Addat Dibuk 690 Alfiik Daga Takke Baaxo Xaylo Ta Taddeerat Akah Tantiffiqimennah Tekkeh Tanim Warse.
Tamakkeh Fanak 500 Alfiik daga Yakke Mariy Takket Antiffiqimuk Sugeh Iyyam Qokkolsimiyyak Awaquk Isinni Akah Xiiqan Innah Tekkeh Tanim Yiysixxige.
Ta Taddeeral Taamiteenih Milaagimaanam Kee Qidaddo Qaada Fayya Haanamaay Tonnah Daddos Taamah Abbinoosiyyah Hangi Akah Yontocowweh Yanimit Yaabe.
Tama Taddeerat Yantiffiqimeh Yan Mari Tatre 10 Alsih Addat Dibuk 600 Miliyoonih Birriik Dagah Qidaddoosaanam Xiqeenim Gifta Birhanu Qaddoose.