Qiso Mekla Elekitroonikis Siiratal Abbinoossa Qeso Meklaabah Ixxima Fayya Axcuk Geytima - ENA Qafar Afa
Qiso Mekla Elekitroonikis Siiratal Abbinoossa Qeso Meklaabah Ixxima Fayya Axcuk Geytima
Addis Ababa Waysuk 5 Sanat 2017 (ENA)
Culenti Malak Qisoh Oyta Kee Mekla Elektiroonikis Siiratal Abbinossa Qiso Meklaabah Ixxima Fayya Axcuk Geytimam Qaddoose.
Tama Malaakak Oyti Teknoloojih Fanteenah Saqal Gifta Akliilu Tamane Elle Qaddoosennal:- Tatre 10 Aslih Addat Elektiroonikis Oytat Yaysexeexegeenimih Gexsit Boolul 95 Gaba Gufseenih Yaniinim Yiysixxige.
Ossetinah Boolul 75 Ila 80 Gaba Qiso Meklah Abnisso Elle Abeenih Yaniinim Tama Saqal Faana Miidiya Korporeeshinih Warse.
Inkih Tan Federaalak Qiso Meklaaba Oyta Kee Mekla Elle Yanin Aracal Gacca Iyyeenih Akah Abbinoosan Innah Abak, Qiso Gaboysiyih Gexsit Kee Siirat Sissikaane Akah Tallennah Abteh Tanim Yiysixxige.
Elektoroonikis Meklah Siirat Rakaakayitte Kee Magaalol Xiinisso Fan Baarisak Hangi Akah Acayuk Elle Taamitak Geytimaanam Kassiise.
Elektiroonikis Qisoh Meklah Siirat, Qiso Meklaabah Dibuk Hinnaya, Culenta Gaabossah Tan Taama Abeynitik Taamil Taama Xukko Akah Tankusennah Abteh Tanim Mihratleelah Tiysixxige.
Warkat Kee Sihadayti Caylal Xer Waktih Beyak Sugte Taama, Leh Yan Taqabik Ossetinah Taama Mexxatal Kaxxa Taqabik Kataasak Sugeh Yanim Qaddoosen.