"Agay-waagâ Dabaanak Ixxiga Kee Nummal Qekitak Inkih Tan Leeda Nummaawele" inta itrol Gexsita aydakaakan qimmise

Addis Ababa  Waysuk 5 Sanat 2017 (ENA)

Agay-waagâ Dabaanak Ixxiga Kee Nummal Qekitak Inkih Tan Leeda Nummaawele" inta itrol Waysuk 05-07, 2017 fanah gexsitu waa aydakaakan qimmise

Tama gudgud yaabal fakeh yan Leedâ Partik Qafar Rakaakayih Luddih Kutbeh Buxak  Saqalah yan Massakaxxa le Macammad Cuseen Qaliisa asaaku qimmisen aydakaakan kah faxxiimem edde nan qasri Ixxigat sarsimak agay-waagâ dabaanal dagâ raq elle geynam dudna ixxiga qunxaaneytat tabisoonu kinnim yescesse. 

 

Edde nan Qasri Teknolooji edde fiddinowte uddur kinniimih taagah numma yalleenim dubuh dagâ raq geysiise waytaamih taagah lon numma gersi marak dumal ummatta elle gufuseh meqe weelo asaaku qimmise aydakaakanal Qunxaaneyti bartelem yescesseh yan gifta Macammad Cuseen Qunxaaneyti edde nan qasri faxsiisa ixxiga kee dudda isinnik farakka haanam faxxintam diggoyse.

Leedâ Partik Ummattaa Kee Baad Angaarawih Luddih Saqalah yan Dr. Biqhiila Hurisa Leedâ Parti Agat caddol baaca kee wadir-raaqak nassaaquh ekraarisse taamoomi abinal qoklaanam dubuh hinnay akkuk geytinta daddos taamoomi ummatta wadbittuh Angaaraw luddal baar le taamoomi faxxintam yescesse. 

Asaakuk xabba haanam Sidiica ayro fanah gexsitak sugu waah yan tama aydakaakanak asaakih exxal Siyaasah Angaaraw Agay-waagâ dabaanal (Political Communication in Post Truth Era)  wagittaamal aydakaakan Dr. Biqhiila Hurisah xayyoosul acayuk geytiman...

Aydakaakanat Daqortiiy, Rasu Kee Rakaakay fanteenak Leedâ Partik Siyaasâ Luddih Miraaciinuuy, Mihratleela Kee Angaaraw Mihratleela edde angaluk geytiman.