Qafar kee Amaarah Rakaakayak Cuggaaneh Siitat Raqta Daqooritih Ummattah Saay kee Salaam Gudgud Gexsen .

Addis Ababa Laqinik 27 Sanat 2017 (ENA)

Qafar kee Amaarah Rakaakayak Cuggaaneh Siitat Raqta Daqooritih Ummattak Saay kee Salaam Maqarroosiyyaay, Bood Fida Wagittaamal Walal Gudgud Kombolichah Magaalal Gexsak Geytiman 

Tama Gudgudu Namma Rakaakayak Saay kee Salaam Biiroora Galli Maroh Eglak Dadal Taddeera (UNDP )'ik Salaamal Taamitta Cugayso Luk Cattiimak Missosseh Tanim kee Walal Gudgudul Qafar Rakaakayak Sifray, Qaddaqaar,Talaalakay Uwway kee Awra Daqooritiy Amaarah Rakakayak kaaduk Harbu kee  Baati  Daqooritih Ummatta Edde Tengele .

 

Gudgud Yaabal Fakeh Yan Qafar Rakaakyak Saay kee Salaam Biirok Ciggiila Saqal Gifta Cuseen Macammad Gurrat :- Qafar kee Amaarah Rakaakayih Ummatta Raage Fantaaxaw le Nammâ Ummatta kinnih Tanim Ascassuuk Cuggaaneh Ayyunti Bood fan ken Beytam Dudda Caagiidak Axxeeruk Saay kee Salaam Diggoowuh  Dumaak kah Abak Yemeeten innah Macalaanam Faxxintah Tanim Diggoose .

Amaarah Rakaakayak Saay kee Salaam Biirok Bood Fidgah Xayriktoreet Xayrikteer Gifta Mingistu ferexe isi le katuk Abeh Yan Yaabal Qafar kee Amaarah Ummatta Cuggaaneh Siitat Raqta Ummattay Mango Daboonah Ayyuntiinoy Madduuur kee Siyaasa Caddol Siitat Qokkolsimak Sugteeh Uxi kinniih Rabak Nuway Siita luk le Ummatta kinnuuk  Dumaak Sugeh yan Kookacini Yanuh Sitta luk Taamitaanam Faxxintam Yescesse .

Salaam Maqarroosaanam Doolatak Dibuh Qambalsintam Akkewaytaamih Taagah Ummatta Luk Xaynal Siitâakrayuk Taamitak Geytimaanam Qafar Rakaakayak Rasu kee Daqoorit Miraaciini Yescesse .

Gudgudul Tengeleh tan  Ayyunti Exxaaxi Saay kee Salaam Darrabossah Tan Dagirti Sitta luk Assacakkuk Salaam Maqarroosuh Inki Mogoy Akkuk Taamiteloonum Qaddoosen .

Tama Gudgudul Namma Rakaakayak Rasitteey Daqoorit Miraaciinuy Diini Abbobtiiy, Baaxoh Idoolay, Sayyooy Qunxaaneyta kee Baxaabxsa le Ayyunti Exxaaxi Edde Tengeleh Geytinta Axcuk Qafarak Mangaffa Rettimah Oyti Yascasse.