Qafar rakaakayak Qadaay ,qunxaaneyta kee Dagar diig biiro " baaxo kee fanni Itiyoppiya yasqusube "iyya ammuntal Fanni mehratleelah bicih yan walal gudgud samara magaalal gexsen.

Addis Ababa Laqinik 28 Sanat 2017 (ENA)

Tama gudgudul geytimeh yan leeda partik qafar rakaakayih luddih kutbe buxah saqal Macammad cuseen Qaalisa 
qafar ummâta  itiyoppiyah doolatak fanti siyaasat gabat agle haysittam maxiqta akak iyyenih  sugen ummâta kinnih tanim ascasukb milaagug gamadal ta uma malay qafar sugte aydaadu tikkateh qafar maca intaa edde iyyan uddur tanih tanim qaddose.

rakaakayak ciggila presedenti bilhadal ayyuntino kilasteriy kobaahisey qaadaay qaaday qunxaaneyta kee isporti biirok naharsi saqalah yan Gifta Caamid Dulla   Fannaba itiyoppiyah asqassabeh leh  tan doori elle yaybullen gudhud kinnih tanim ascasuk fannaba sinnih yan dadal anewamak amakaquk  fannaba agat dadal kee kiinaane hangit haak abaanam faxximtam qaddose.

 

Tonnah Qaada kee aydaadi gaddih xayrekterih yanih yan gifta saddik Maace baaxo caddol yanih yan afkanak ugutak fannih baaxo dadalah leh yan dooril baarle walal yekkeh yanim qaddosak rakaakay awlisak gexah yan fannabak qammalsimtamak yawqeenim faxximtam qaddose.

 
Tama Gudgudut tengeleh tan fannaba ni rakaakay awayih uddur fannabah yeceh yan afkan ruffa ken heeh yanim qaddosak agat caddol gexsituwah yan gudgud rakaakay awlisak doorimeh yan qunxaaneyti qafar kinnane  kee qaada aysaxaaxaguk fanni kee qaada meqe caddo guftam xiqtah tanim qaddosen.

Illacabol rakaakay awlisak agatal gexsitu wah yan gudgudut yangaluwah 15 yakkeh yan fannaba dooranam tekke.