Pirezdant Taye Atsekeslassie 9 Baaxooxah Ambasadderittek Reedah Ayyufta Hirige.

Addis Ababa Laqinik 26 Sanat  2017  (ENA)

Pirezdanti Taye Atsekeslassie 9 Baaxooxah Ambasadderittek Reeda Warkat Hirigem Qaddoysen .

Pirezdant Taye Atsekeslassie Baxaabaxsa Le Baaxooxah Ambasadderitte Lih Tellemmo, Investimenti Kee Baxaabaxsa Le Caagiidal Sitta Lih Taamitaanam Diggoysaanam Elle Duudan Caagiidal Walal Gexse.

Perezixanti Taye Atsekeslassie: Awustiraaliyah, Kuuba, Aljeeriya, Gambiya, Jorjiya, Maynamar, Tayland, Vetnam Kee Sayprus Ambasadderitte Reedah Ayyufta Hirigem Qaddoysen .

Afa Caagiidah Malaakak Afak Yaabeynah Yan Ambasadder Nebiyat Getachew Yeceh Yan Maybalaalaqal, Pirezdanti Taye Atsekeslassie 9 Baaxooxah Ambasadderitek Reeda Ayyufta Hirigem Qaddoose.

Usuk Elle Yescesenal Walal Abe Baaxooxah Ambasadderittelih Sumaqta Hirigewak.

 

Kabxxaay, Investementittee kee Baxaabaxsa le Caagiidal Ken Sitaluk Abit Maqarroosah Yan Caagiidal Walaleenih  Yanim Kassiise.

Tahak Ugut Abak Addis Ababal Embaasi Alle Wayta Baaxooxa Embaasi Faktam Faxximta Caagiidal Walal Gexseenim Qaddoyse.

Kuubah Ambasadder Maylin Suarez Alvarez Elle Qaddossennal, Itiyoppiya Kee Kuuba Maqarle Aydaadi Angaaraw Lem Kassisse.

Ambasadderih yan num, ta angaaraw fayyale caddo fan beyoonuh taamiteloonum qaddoyse; Tahak Buqreey, Baritto Kee Qaafiyat Luddal Sitta Lih Taamitaanam Akah Diggoosan Innah Taamiteloonum Yiysixxigen.

Gambiyah Ambasadder Salimata Iti Torey Itiyoppiya Kee Gambiya Kaxxa Angaaraw Le Baaxooxa Kinnim Qaddosse.

Baaxooxa Fanal Yan Angaaraw Diggoowele Taamoomi Bisoh Axceloonum Yescesse.

Tayland Ambasadder Morakot Janmatukorn Kaaduk Itiyoppiya Lih Qaada, Teknoloji Kee Tellemmo Caagiidil Sitta Lih Taamite Loonum Kassiise.

Fooca Fanah Ta Baaxoh Fanal Yan Angaaraw Diggoowuh Ta Baaxok Fayya Le Mirocti Itiyoppiya Gufne Abelem Yescesse.

Itiyoppiya Kee Tayland Angaaraw Diggoysoonuh Mango Dudda Lem Yescesse.

Sayber Ambasadder Savvas Viladimiro Elle Qaddosennalaay Itiyoppiya Sayber Istraateejik Waklita Kinnim Qaddoose.

Tama Baaxooxah Fanat Yan Namma Baaxoh Fantaaxaw Kee Mango Baaxooxah Angaaraw Diggoysoonuh Fooca Fanah Taamitaanam Faxximtam Kassiise.

#Ityoppiyah_Xaagi_Raceyna
#Ityoppiya
#Diplomaasi