Mala Buxa Baxaabaxsa Le Kuktitte Faaticisse

Addis Ababa Laqinik 26 Sanat  2017 (ENA)

Ummattah Awlaytiitih Malah Buxa Gexisseh Tan 33heele Madabiino Daffeynal Nammay Takke Abuud Sittin Geyitte Edde Anuk Kafin Guddaafah Mabbux Kee Elle Qidan Innih Kukta Kusaaqisak Faaticisen.

Doolat Afak Seecimeh Yan Dr. Tesfaye Beljige:- Itiyoppiya Kee Qarab Bankik Afrikah Madduurih Daddoosih Fanal Oggoysim Le Xalu Le BUqre Industrih Parkih Daddoosul Qunxaaneytah Taama Saamih Hadaliyyih Pirojekti Elle Abbinoosan Abuud Sittin Geyih Kuktih Addaffakot Abe.

Tamakkel Abuud Sittin Gey Buqre Industrih Parkitte Baarisoonuh, Mihratleela Duddih Gablusiyyaay, Efeq Gititte Kee Buqre Murtisso Fayya Haanamaay Tonnah Qunxaaneyta Buqreh Industrih Langil Gabat Agle Yallen Innah Aba Sittin Gey Kinnim Qaddoose.

 

Ossetinah Itiyoppiya Baad Caddol Daddos Eg;ah Fanal Sayyo Kee Baxuw Qaafiyatah Oggoysim Le, Maqar Leh, Hadal Kee Teknoloojit Cattiima Ayfaafayih Mattaco Yaysiisoonuh Xayyooweh Yan Abuud Sittin Geyik Qagunti Kukta Wagsiisak Addaffakot Abe.

Tama Sittin Gey Qaafiyat Ayfaafayih Langih Mexxat Kee Guddusso Baarisaanamaay, Sayyo Xalaayak Naharal Keenit Taafe Taqabitteh Calli Geysiisoonuh, Rosqa Milaagih Koositiyyah Bica Le Qaafiyat Fanteenit Xisaanam Kee Qaafiyat Langih Guddusso Fayya Hoonuh Hangi Leh Yan Sittin Gey Kinnim Yiysixxige.

Mala Buxa Tama Abuud Sittin Gey Inkih Tan Xongolol Faaticisen.

Ossetinah Mala Buxa Kafin Guddaafa Elle Yabbixen Inna Kee Elle Qidan Innih Kukti Loowo 1383/2017 Abak Inkih Tan Xongolol Faaticisen.