Qafàr Rakaakayal Agat Caddoh Aqayyaareh Bicitte Tekkeh Geytimtah Tanim Rakaakayak Barittô Biiriiy Tiysixxige.

Addis Ababa Laqinik 26 Sanat 2017 (ENA)

Qafàr Rakaakayaih Caddol Yayseh Yan Xali Kah Yamaatennah Taakume Bicitte Tekkeh Geytimtah Tanim Rakaakayak Barittô Biirooy Tiysixige.

Rakaakayak Barittô Biirok C/Saqal Gifta Cummad Qabdalla ENAh Elle Yescesseh Yan Innalaay 6 Haytô Footimaay 8 Kee 12 Haytô Footimah Aqayyaare Elle Tamcawwem Duddah Tan Taakume Bicittek Gaba Kaleenih Geutimanamaay Yescesse.

Tahaak Ugutaakaay Waysuk 3 Ilaa 4 Fan 6 Haytô Footimah Aqayyaareey,Waysuk 9 Ilaa Kee 10/ 2017 Qinbisak 8 Haytô Footimah Aqayyare Amcawwe Leh Tanimiiy Baxxaqise.

 

6 Haytuu Kee 8 Haytô Footimah Aqayyaare Elle Tamcawwu Wayta Fantteenaanî Fan Ruubaanam Qinbiseenih Yaniinimiiy Kassiise.

Rakaakay Caddol 6 Haytô Footimal 418 Takke Barittoh Buxaaxil Amcawwe Leh Tanim Kee 8 Haytô Footima Kaaduk 310 Takke Barittoh Buxaaxil Amcawwe Leh Tanimiiy Qaddoyse.

6 Haytô Footimah Aqayyaare Kulli Barittô Buxal Amcawwe Leh Tanim Kee 8 Haytô Footimah Aqayyaare Doirin 115 Takke Fantteenaanil Amcawwe Leh Taniimitiiy Yaabe.

12 Haytô Footimah Aqayyaare Waysuk 23 Ilaa Dite Li Alsak 8 Tanih Tan Udduurat Samarâ Jaamiqatal Amcawwe Leh Tanimiiy Kassiise.

12 Haytô Footimah Aqayyareey 44 Takke Nammay Haytoh Caddoh Barittoh Buxaaxik Tewqeh Tan 4 Alfii Kee 893 Takke Barteenit Bee Leh Taniimitiiy Yaabe.

Ta Barteenitik 794 Takke  Samaraay,Logyaa Kee Bilal Nammay Haytoh Caddoh Barittoh Buxah Barteenit Onlinel Bee Loonuh Yaniinimiiy Baxxaqise.

Barittoh Caddol Sugte Taqabitte Missoysak Awayih Uddur Baritto Buxaaxil Barteenit Garqa Anqabuk Isinnih Kah Taamitan Innah Barteenitih Ossotinâ Barittoo Kee Sissin Barittoitah Ossotina Kah Cayuk Yemeeteenih Yaniinimiiy Kassiise.

#Itiyoppiya
#Itiyoppiyak_Xaagi_Raceena
#ENA
#Baritto