Maloktiit Malah Buxa 46 hele Madabiinoh Daffeynal Baxaabaxsa Le Caagiidal Walal Gexisak Margaqooqi Tatrusen .

Addis Ababa Laqinik  21 Sanat 2017 (ENA)

Maloktit Malah Buxa Asaaku Gexisseh Tan 46hele Madabiinoh Daffeynal Baxaabaxsa Le Caagiidal Walal Gexisak Margaqooqi Tatrusen.

1. Malah buxa qimboh addah fanti waktih makroiqtisad kee mizaaniyyat rakisso 2018-2022 walalteh. Awqenta kee Sabhalal le Makro-iqtisad Dariifa Yasmitoonuh Doolat Culenti Rakiiboh Baarisuh Abak Geytimta Macal Qokoluh Ta Rakiibo Bicisak Xayooseh, Doolat Culenti Asgagoyya kee Gaddi Wagsiisak Boliisih Afkanitte Yaybulleenim Ciggila Mizaaniyyat Ligidih Mizaaniyyat Bicisak Rakiiboh Ayfaf Yacoonuh. Malah buxa, rakissol baar le walalak lakal, inki xongolol taamal Akah Assa innah faatacisen .

2. Tama Malah Buxa Tohuk Lakal Afrikah Maddur Daddosih  Qarab Banki Kee Baadak Daddoosih Egla Lih Aben 2 Maaliyyah Qokol Sittin Geyil Walal Gexsen.

Qarab Bankik 49,550,000 Dolaar Abuud Buqre Sanaqatah Barkittet Angaarawle Qunxaaneyti Taama Cugayso Abtol Asisele, Addah Yan Riba Caddo kee 5 Sanatih Fayxih Uddur, 20 Sanatih Addat Gaba kalu waa Abuud kinni

Baadak Daddos Eglak SDR 45,100,000 Abuud Sayyo Kee Sayyoh Qaafiyat Ayfaf Yaysisoonuh, Riba Sinni Caddo 0.75% Kee 6 Sanatih Gideh Uddur, 38 Sanatih Addat Gaba kala Abuud kinni .

Ta Abuud Baaxok Abuud Istrateejî Luk Sittattlih Gexxam Kinnim Asmitak Inki Xongolol FaticisamnUmmattah Awlaytiitih Malah Buxa Fana Akah Gexa Innah Faaticisen .

3. Malah Buxal Elle Walalteh Ianin  Iro Baaxoh Taama Abeenit Yaceenih Yanin Ayfaafayitteh Mekla Akah Yaysixxigen Innah Taama  Kee Duddi Malaakak Yeyyeeqeh Yan Regla Kinnim Qaddoosen.

Tama Malaak xayyossah tan ayfaafitteh awqenta duudussuh kee addah culenta osissuh, edde duqaysimak meklaanam duudaanam cubbit haak ayfaf mekla madqoonuh edde xinta gulgulusak xayyoosen.

Tama Caagiidal Baar Le Walal Gexseenik Lakal Malah Buxa Inki Xongolol Margaqa Tatrusseh Ta Edde Xinta Federal Nagariit Gazettel Yewqeh Yan Ayrook Xabba Haanam Abtol Asiselem Yiysixxigen.

4. Tohuk lakal Malâ Buxa Itiyoppiyak Afa Taama  Wagsiisak Xayyowte Kukraaroh Qagunta  Walal Gexsen.

Afa baaxol taamittah tan Itiyoppiyah xayloh cakkiiy, amaan kee kunnabna sarrimaanele gurral daccarsimtam kee ni baaxo ta sekteril geytam faxximtah tan tuxxiiqitte dacrisoonuh ikraaroh qagunti bicsimeeh xayyoosen.

Tama ikraaroh qaguntal baar le walal gexseenik lakal malâ buxa inki xongolol Ummattah awlaytiitih Malah Buxa fan tatrusoonuh margaqa tatrusen.

5. Ellecaboh, Majlis Elle Walaleh Yanim Coox Dacayri kee Kurantaayin wagsiisak Maybalaalaqah qaguntal walalen.

Qagunti Maysaxxaga Bicisak Xayyowteh, Qasri Teknoloojih Qokol Leh Tan Duyye Fokkaqo Kee Maabitina Siirat Xisoonuh; Baadak Coox Dacayrih Konvenshin elle yascassennal, coox, coox murtittee kee kalah tan lowsis gubat tan duyyeeya, culsaanam kee culsaanam lowsiisoonuh; kee lowsis gubat tan umaane iro baaxok baaxo cultek baarimiyyaa kee baarimiyya kalaloonuh. Malâ Buxa Kukta Qagintal Baar Le Walal Gexseenik Lakal Ummattah Awlaytiitih Malah Buxah Faaticisen.