Qafar Rakaakayih President Massakaxxa Le Cajji Awal Qarba Ethiopiak Investiment Holding Naharsi Saqal Dr Biruk Taye Miraacisah Yan Erga Lih Issi Kutbeh Buxal Arcibisak Walalise.

Addis Ababa Laqinik 21 Sanat 2017 (ENA)

Ta Walalal Qafar Rakaakayal Geytimtah Tan 2 Sokkar Fabrikak Taama Elle Qembisaanah Yanin Gurra Kee Abaanam Faxximtam Wagsiisak Baar Le Walal Abeenih Yaniinim Qaddowte.

Ta Aracal Qafar Rakaakayih President Massakaxxa Le Cajji Awal Qarba Abeh Yan Yaabal Tandaco Sokkar Fabrik Qusbannal Taamat Culsoonuh Faxxiima Kusaq Abeenim Qaddoysak Duma Ta Fabrikat Boodeh Yan Taqabi Akah Boode Waannah Tonnah Yanih Yan Gexsit Raaqisah Yan Afkan Acayuk Gexeloonum Qaddoyse.

Ta Sokkar Fabrikaaki Taama Qembisaasanam Rakaakayak Qidaddo Transformationih Kaxxa Tuxxiq Lem Ascassuk Qafar Rakaakayih Doolat Ta Cuggaysok Xaloot Geytimuh Faxxiima Qokol Abelonum Qaddoyse.

 

Tanxac
o Sokkar Fabrika Taama Qembisisaanam Kee Kasam Sokkar Fabrika Maqarroysaanam Ni Rakaakayih Leeda Diggoysaanam Kinnim Kee Ta Fabrikaaki Rakaakay Qidaddo Gablussamak Bisol Alafatal Loowimtah Tan Ummattah Taama Saami Gintu Waytaamak Amakkaquk Ayyunta Ruffa Haytam Kinnim Ellecabol Cajji Awal Qarba Abeh Yan Yaabal Qaddoyse.

Ta Walalak Lakal Qafar Rakaakayak Ciggiila Presidentih Bilhadal Meqe Xiinissoh Kilasterih Koobahiseena Kee Doolat Daddosih Abbotanih Saqalah Yan Gifta Acmad Cusen Ken Miraacisak Tanxacok Sokkar Fabrika Away Elle Tan Caddo Wagsiisak Gufne Aboonu Xiqen.