Saay Kee Amaana Xisoosah Riformil Polis Agat Caddoh Farrimto Duddal Akah Abbinossannah Abak Geytimta

Addis Ababa  Laqinik 21 Sanat 2017 (ENA)

Itiyoppiyak Federal Poolisih Komishiner Jeneral Demelash Gebremikael  Saay Kee Amaana Xisoosah Riformil Polis Agat Caddoh Farrimto Duddal Akah Abbinossannah Abak Geytimtam Qaddoose.

Komishiner Jeneral Demelash Gebre Mikael Wakti Caagid Wagsiisak Mangaafa Ratteemah Addaffakot Abe.

Tama Addaffakootul Baaxo Caddol Milaguuk Annah Saay Kee Amaanah Xisoosa Mango Riformi Taama Tekkeh Tanim Kee Federal Poolis Farrimto Duddal Akah Abbinossannah Abteh Tanim Yiysixxige.

Federal Poolis Baaxok Kalali Qande Kee Kalah Tan Saay Xisoosa Lih Oggoysimak Baaxok Saay Kre Amaana Caagoodal Xalu Le Taama Abak Baaxo Dacrisak Geytimtah Tanim Qaddooose.

Tama Kom9shin Away Dudda Le Caylaay, Tikyaay Tonnah Teknoloojit Dudda Le Caddot Geytimtah Tanim Yiysixxige.

Aham Kaaduk Ta Komishin Baatil Kalalu Kee Kusaaqal Farrimto Elle Faxximtannal Abbonoosak Ummattak Saay Kee Salaam Dacayri Yayse Gurral Abbinoosak Geytimtam Qaddoose.

Poolis Agiirinnal Dacrissaah, Adan Baxiinoh Ayfaafayih Gexsol 600 Daga Takke Fanteenit Kee Rakiibo Daddoosittel Agiirannah Dacayrih Taama Digga Luk Abteh Tanim Warse.

Baaxok Saay Kee Amaana Taamoomil Baxsa Luk Oromiya Kee Amaara Rakaakayittel Sheene Butta Kee Qarkakisa Buttal Kalah Tan Saay Caylitte Lih Oggoysimak Madqa Gital Maaqatta Beyak Assakat Le Taama Abaanam Xiiqimteh Tanim Qaddoose.

Tahah Ugut Abak Mango Dariifal Yayseh Yan Salaam Kee Amaana Yanim Ascassuuk:- Tittikiyyeh Tan Caylitte Salaam Gital Gaba Acayuk Aygadad Aydakaakan Beyak Ayyunta Fan Akah Yangalen Innah Tekkem Yiysixxige.

Baaxo Addal Hangit Abteh Tan Qarkakisa Taddeera Naharal Baxqisaanam Xiiqimtem Kassiisaak:- Tahat Axawah Anuk 972 Takke Deremsimteh Tan Maritte Lowsis Gubat Haak, Ken Caagid Madqal Amabaluk Geytumaanam Qaddoose.

Madqaak Iroh Sinam Baaxok Baaxoh Tabisaabisak Sugeh Yan 29 Yakke Mara Madqal Akah Essertiman Innah Tekke Tanim Ascassuuk:- Kontirobandi Lowsiisil Tatre Sagla Alsih Addat 15 Ximmooy 6 Biliyoonih Birtiik Akkal Le Duyye Lowsiisaanam Xiiqeenim Yiysixxige.

Atlaake Baatilih Kalalu Kee Baaxo Gadda Cataanamaay Tonnah Essertimiyya Baarisaanamih Taama Akkuk Geytimtah Tanim Qaddoose.

Teknoloojit Cattiimak  Baatil Kalalu Kee Lowsis Taama Diggoysaanamih Taamah Katuk Banki Kee Itiyo Telekom Lih Cattiimak Xalu Le Taama Tekkem Kassiise.

Tama Gexsitil 80 Daga Takke Baatil Abteh Tan Maritte Lowsis Gubat Culusak, 500 Daga Yakke Banki Akkawuntit Waasak Kisaq Akah Yakkennah Abeenim Yiysixxige.

Tama Komishin Ayyuntak Baatil Ascossa Elle Yacen Baaxo Xayloh Appilikeeshin Taamal Asisak Oggoysim Le Taama Diggoowak Geytimtam Komishiner Jeneral Abeh Yan Addaffakootul Qaddoose.