Naharsi Malaak Abiyyi Acmad Qali (Dr) Taaliyaan Lih Mango Udduruh Qalla Ginak Yemeete

Addis Ababa Laqinik 19 Sanat 2017 (ENA)

Naharsi Malaak Abiyyi Acmad Itiyoppiya Kee Taaliyan Fanat Xer Udduuruh Suge Yan Angaaraw Diggoysoonuh Room Fanah Gexeh Yan Wak, Naharsi Malaak Jorjiya Melooni Garayyo Kaah Abteh Tanim Tamixxige.

Namma Baaxoh Saqolti Gexisseh Tan Angaarawal Sittin Qokolih Gititte Sekkaacisaanam kee Maddur Fantaaxaw Maqarosaanamay, Qusba Qokol Ludditte Baarisoonuh Investementih Luddittel Walaleenih Yaniinim Qaddoosen.

Naharsi Malaak Abiyyi Acmad Reedek Gamadal Baxaabaxsa Le Taaliyaan Mirocti Lih Namma Baaxoh Fantaaxaw Diggoysoonuh Taamitak Geytimam Qaddoysen.  

 

Naharsi Malaak Sanat 2015 Qunxa Garabluk Naharsi Malaak Meloni Reeda Tibbixe Wak Ux Uddurut Roomul Geytimak  Ayrô Mawqah Afrika Kee Dariifah Salaam Kee Saayay Tonnah Kaadu Itiyoppiyah Dadalah Taaliyaan Qokolul Walal Abeh Sugem Kassiisen.

Ta Walalak Ugut Abak, Mirocti Maqarle Taamah Angaaraw Xisen.

Taaliyaanak Naharsi Malaak Jorjiya Itiyoppiyat Sanat 2016 Gufne Abteh Sugte. Ossotinah Walal Taaliyan Kee Kalah Tan Baaxooxal Geytimta Multilateral Forum Luk Gexsen.

Taaliyan Itiyoppiyah Daddoosul Lafale Qokol Abtah Tan Baaxo Kinnim Qaddoosen. 

Ta Qokol kaadu qaafiyatay, buqre kee qaadâ daaranih dacayrih innah tan sanaaqatittel mango waktih abak yemeeteenim yescessen. Taaliyaan kampaanitte kee Taaliyaan Daddos Qokolih Ejensitte taamal kaxxa qokol abak geytimanam warsen.

Namma Saqolti Illacabô Koboxul Sarimanele Daddos kee Investementih Mabla Ittaluk Qagitaak Aysiise Loonumul Sitta Geenim Naharsi Malaakih Maktabih Oyti Yascasse.

#PMOItiyoppiya