Itiyoppiya Afrikak Naharsi Caabih Qadaagah Fanteena Takkuh Taama Akkuk Geytimta - Ciggiila Naharsi Malak Gifta Temesgen Tiruneh

Addis Ababab Laqinik 18 Sanat 2017 (ENA)

Itiyoppiya Afrikak Naharsi Caabih Qadaagah Fanteena Takkuh Taamitak Geytimtam Itiyoppiyak Ciggiila Naharsi Malak Temesgen Tiruneh Qaddoyse.

Afrikah Insuransi Eglak 51hele Ligidi Kobox Kee Amolladi Daffeyna Addis Ababal Qimbisse.

Ta Konferensi Ammunti " Meklah Raaqe Massos: Afrikak Abuud Quuka, Amogoh Abuud Caabi Kambanitel Mannal Taqabi Kataasam?" Tah Maxcol Yassakaxxen.

Ciggiila Naharsi Malak Kaadu Mangoh Tan Baaxooxa Ossimak Geytimta Abuud Quuka Kee Mizaaniyyat Qeedalsi Dacayri Boodak Geytimaanam Kassiise.

Tah Caabi Kambanite Kaxxa Taqabi Kinnim Yesceseh, Investmenti Dariifaay, Asset Security, Maqmilwa Fayxi kee Maduur Sabhalal Leh Yan Doori Kaxxam Taqabi Kinnim Baxaqiseh.

 

Tohuk Gexamah, Usuk Iyeh, Tah Faximtah Cogdaadi Gorisanam Aqayyaare Qagitaak Qimbisoonuh kee Focafanih Sitalih Weelo.

Ciggiila Naharsi Malak, Afrikah Caabi Away Elle Geytimta Caagiidal Missoysaanam Kee Diggowtam Faxximtam Kassiise.

Usuk Elle Yescesenal Ta Qarangubal Maduur Daddalih Qamiidah Takkem Faximta, Kuli Buxah Marih Dacayri, Abuud Beyanam kee Investementi Hirigoonuh Maftacah Yan Silac Akah Yakkennah Taamitam Faximtam Kassise.

Itiyoppiya Baaxoh Addah Qidaddoh Milaagih Taqabitte Kalaltam Dudda Qasri Maduur Xisak Geytimtam Kassiiseeh, Qalayli Osisak Canka Sekterwa Yasgalleenimi.

Qusba gino aydukumusaay, tellemmo aysaxaaxag kee investementitte hirgoh sarrimaanele kee amaan le dariifa xissimak geytimtam qaddosen.

Tah Arac Xagtuh Maqarle Maaliyyah Siirat Akah Yakkennah Abaanam Faxximtam Kassiisaak, Insuransi Sekter Maaliyyah Siiratih Rakiibo Kinnim Qaddoose.

Tah Mamaxagak, Usuk Yesceseh Doolat Tuxxiqle Milaagu Maqattooti Beyak Geytimtam kee Maqar kee Curik tan Caabi Lowsis Institution Xise.

Ta Qusba Institute Innovation Aydukumusaah, Meqe Lowsis Maqarroosak, Kaxxam Faxximtah Tan Poliisih Taama Abeynit Qawwalaylak Kalaltam Faxximtam Qaddoosen.

Itiyoppiya Qusba Albaabitte Faktam Kassisak, Doolat Xayi Udduurih Addat Angagoyye Waytah Tan Uwwaytittet Yantifiqeenim Kee Lewanna Elle Lowsissan Qusba Kukta Qaginta Bicisseh Tanim Kassise.

Tah Kaadu Buxah Addah, Infrastructure, Kee Real Estate Fanah Qusba Maaliyyaa Kee Insuransi Caagiidal Kaxxa Doori Digirta Axcuk Qaddoosen.

Tohuk Ugut Abak Investerwa Taway Itiyoppiya Lih Taamitoonuh Gitat Yan Udduru Kinnim Yaaxigeenim Faxximtam Kassiise.

Itiyoppiya Afrikal Doorime Insuransi Qadaagah Fanteena Takkuh Bical Geytimtam Kassiiseeh, Ta Safar Arac Xagtuh Doolat Kulli Duddal Taamitelem Kassiise.

 Afrikah Caabih Egla Qarangubal Caabih Ayfaf Dadlisoonuh Abak Geytiman Macal Faatiteh.

Ta Konferensil 2,000 Dagga Takke Caabi Lowsis, Caabi Sanaqata Mirocti, kee Kalah tan Wagitah Tan Dagorti Afrika kee Kalah tan Baad Exxaaxil Edde Angalelon.

Afrikah Caabih Egla (AIO) Afrikah Caabih Industirih Aysaxaaxag Kee Daddos Taamal Sanat 1972 Xissimte Egla Kinnuuk Itiyoppiya Edde Anuk 47 Takke Afrika Kee 12 Takke Afrikah Baaxooxal 400 Takke Adoytit Lem Qaddoosen.

Ityoppiyak Agat Banki kaadu, baaxok caabi sekteril massoysaanam leh tan reedaak ugutak, ta eglak adoyta kinni.

#Ityoppiya
#Ityoppiyah_Xaagi_Raceyna
#ENA