Naharsi Malaak Abiyyi Acmad Miraacisa Erga Faransak Baxaabaxsale Fanteenaanit Gufne Abak Geytiman - ENA Qafar Afa
Naharsi Malaak Abiyyi Acmad Miraacisa Erga Faransak Baxaabaxsale Fanteenaanit Gufne Abak Geytiman
Addis Ababa Laqinik 16 Sanat 2017 (ENA)
Naharsi Malak Dr Abiy Acmad Faransak Paaris Magaalal Industirit Aben Yan Gufne Teknoloji Kee Artifishaal Intelligensil Hangi Akah Yeceen Innah Abeh Yanim Timixxige.
Naharsi Malaak Kee Usug Miraacisah Yan Erga Baadal Nabah Tan Cankâ Teknoloojih Qimboh Addah Tellemmo Inkubaater 'Station F't Gufne Aben.
Itiyyobiyak Istart Up-ih Dariifa Qimboh Caddol Yanim Takkay ikkah Teknolojih Ixxigale Qunxaneytak Kibuk Geytimtaah, Dadalak Geytimta Xijital Dariifah Siiratay Maqarle Dudda Le Aybullayuk Geytiman. Doolat " Xijital Itiyyobiya 2025" Innah tan Istrateejitte Bicisak Qusba Gino Qokoltuh Maqattoti Beyak Geytimta.
Ta Hadaf, Baxsa Luk Maaliyyah Teknoloojih, Buqre Teknolooji, Kee E-Commerceh Caddol, Qimboh Addah Taama Akah Aban Innah Abaanam Faxximtam Yescessen.
Ossotinah, 'Qimbisiyyi' Maysaxxaga Deqsitta Amolladih Maysaxxaga Tewqeh Tanim kee Qimmisiyyi Abtootah Madqa Kee Xisneh Rakisso Ginak, Waadole Maaliyyah Xayyos Baarisak, Lowsis Gibdaabinittee Kee Tabisle Gexkalittek Yaysoonuh Ken Xiqsissa Dariifa Ginak Geytiman.
Naharsi Malaak 5G kee 6G Teknologiiy, Sayber Saay, Artifishaal Intelejensi, Kee Optikaal Angaaraw Kusaq Fanteena Kinnim Nokiya-Faransah Lewannah Fanteenat Gufne Abe. Ta Gufne Edde Anuk Fiber Sensing Fanteenat Gufne Abe.
Cayli Duddale Teknoloji kee 5G Labratorittey, Itiyyobiyah Qusba Ginoy, Daddos, kee Tabta sekteritteh Qokolul Tuxxiqle Baritto Xayoose.
Illacaboh Naharsi Malaak Faransal Geytimta Thales Fokkaaqo Kee Teknoloji Fanteenit Gufne Abe.
Tama Thales Buttak Mango Disciplinary Fokkaaqoh Exxa Kee Tama Kompaani Baad Caddol Fokkaaqoh Taama Abak Geytimtaah, Aerospace, Defensi Kee Artificial Intelligencih Fanteenal Hangi Akah Yaceen Innah Abak Geytiman.
Ta Gufnek Ixxiga Tabsih Tuxxiq Baad Caddoh Angaaraw Yaysiiseenim Kee Itiyyobiyak Xijitaal Tabaatabsa Sissikuk Ni Baaxo Qusba Gino Kee Teknolojih Fanteena Akkuk Afrikah Fanteena Aboonub Abak Geytiman Gufne Kinnim Qaddosen.