Itiyoppiyak metrologih inistuuti cigiila karmah 4 alsa madab kee madabak fayya iyya rob anele axcuk Yescessen.

Addis Ababa Laqinik 15 Sanat 2017 (ENA)

Agatak meterologih inistuuti tatreh yan affar alsat akkele axcuk dafeyseenih sugen afkanak abbinow kee tonnah cigiilah yan karmah 4 alsah takkem bictah axcuk dafessah tan fourcastil maglableela luk messossenih gudgud axaama magaalal gexisakaay geytiman.

ta gudgudut agatak metrologih inistuutik N.xayrekteriiy daadak metrologih inistuutik afrikah prezxrntih yan Dr fattane tashoom edde anukuuuy lee kee elmo malakaay rakaakayittek wagittah tan dagorti kee  baadak metrologih eglak taamah awlaytitiiy baxabaxsale maglab leela elleey geytimen.

 

Gudguduk fakkenti yab abteh tanim agatak metrologyih insituutik N.xayrekter kinnih tanim kee ta aracal elle qadoyseh yan inalaay inistuuti awayih uddur qasri teknolojitti catiimak taceh tan ayfaafay maxxat osisseh geytimtah tanim qadoysakaay baxsaluk tatre sidiica sanatah agat caddol leh tan ayfaafay fantenaani baarisaanam kee tonnah maxxat bahsisaanamal abteh tan taamal agatak taturak baadak metrologih eglah cayuk geytimtah tan oyti maxxat assakat leh yanimiiy qadoyse.

Tonnah awayih uddur agat madduuruh fayyole doori digirak geytimtah tan inistuuti kinnih tanimiiy kassiise.

Ciggilaak ta gudgudul yab abeh yan lee kee elmo malaakak malaak xeetah bilhadal fayu abeenah yan motomma makaasa ta aracal elle qadoyseh yan innalaay itiyoppiyak metrologih inistuuti rusqa milaaguk qaafiyataay buqreey facisoosa caddol taceh tan ayfaafak ossotinah qaran merrayti edde anuk baxabaxsale luddittel taceh tan oyti ayfaafay agat maduuruh leh yan doori awayih uddur assakat leh yanimiiy qadoyse.

Ta gudguduluuy tatreh yan 4 alsah buqreey qaafiyataay facissoosa caddol metrologih inistuuti abteh sugteh tan fourcastik abbinos maca ceelak sugeemil reporti elle xayyowteh tanim kee agatak metrologih inistuuti abteh sugteh tan fourcasti xaloot luk sugeh yanimiiy yescessen.

Cigilaak karmah uddur axcihiiy waysi alsaak xabbahanamaay ilaa qunxa garablih alsa fanah robti caddo wagsiisak yekkeh yan kusaq elle xayoseenih yaniinim kee ta aracal xayyowteh tan reportil cigiila 4 alsah agatak baxabaxsale dariifal madabak yan robti caddo kee tonnah kaadu madabak iroh fayyole robti caddo aneleh tanim ta kusaaqal ascassukuuy ayyunti roobut yanih yan tuxxiqit antifiquk rob kataasam xiiqah yan qawwalayla bohoy leh tan dariifak axeeruk meterologih inistuuti kulli 10 ayrol tayaaqeh tan oyta kataatanam faxximtah tanimiiy qaddowte.