Midrok Investment Group "Koxit kalshiyem karbonet" fabrika Qafar agatih Rakaakayih Doolatak Awash Subac Kiiloh Magaalal Dooqayse.

Addis Ababa Laqinik 14 Sanat 2017 (ENA)

Tama Dooqaysoh aracal Qafar Agatih Rakaakayih Doolatak Naharsi Saqal Cajji Awwal Qarbay, Medrok Investment Group Naharsi Saqal Gifta Jamal Acmaday, Qafar Rakaakayih Doolatak fayyale Miraaciinuy, Kambaani miraaciinuy, tonnaah Awash Magaalah xiinissoh saqoltii kee Dariifah ayyunti elle geytimak, Qax-meqe gurral Dooqaysen.

takkel geytimeh yan Masskaxxale Naharsi Saqal Cajji Awwal Qarba: abe yaabal iyyeemih, Medrok investment Group Itiyopiya Tamrutay, Uguugusuh isi doori digirtu dudda Fabrika kinnim kee  Awash Magaalay itiyoppiyak culma kee awqenti Merraytih wadba kinnik, Awash magaalah  kaxxa dadal kinnih tanim yescesse. 

 

Naharsi Saqal Qagitaak iyyeemih, Medrok Investment Group: luk Fooca fan mango taama abeloonum ascassuk,  Qafar Rakaakay Investment kee Mortissoh yeceeh yan Hangi Cubbit Haak,  Qafar rakaakayal abaanah yanin investment Bisoh akah haan innah kassiise.

Tonnaah, asaaku baarisiyya kak bak dooqaysimteh tan Fabrika Awash Magaala kee dariifah ayyuntah ossotinah  taamah saami alle lem Qaddoose.

Massakaxxale Naharsi Saqal Cajji Awwal Qarba, Milaaguk lakal Qafar rakaakayih Doolat Investment rakaakay caddol baarisaanamay, Investerwa Arcibisaah, Hirigam xiiqah yan, Siirat kee gexsit missosak mango taamoomi akkuk geytimtam kee Qafar rakaakayal uxih investment akah aban innah seeco xayyoose.

Ciggiilak tamakkel, fakkenti yab abeh yan,  Medrok investment Groupik Naharsi Saqal, Jamal Acmad iyyeemih,  Asaaku Awash Magaalal Dooqayseh yan "Koxit  kalshiyem karbonet"  Farbika baxsa luk  Dariifah ummattaa kee magaalâ xiinisaoh baxsa le saami kinnim kee Qafar baaxol ta xaqalle fabrila dooqayseenim kaxxam ruffa kaa haytem kee Baaxoh caddol faxximtah tan Industry mortih xayyos Baxsa le gurral Qokol akkuk irok culak suge morti raaqisak iroh awquk suge serfi raaqiselem Qaddoosen.

 

Tama fabrika baaxoh caddol faxxiimah yan Industry xayyos axcih,  Gommay, kebeliy, Sponji, warkatay,  qhalamay, diwaataa kee kalah tan industry xayyos baaxoh caddol allelem Qaddoosen.

Tama  Morti 97 Dariifal geytimtah tan ginô gaddak mortiseloonum Baxxaqsen.  Tonnaah 17900 Ton sanatal mortiselonum Tama dooqaysoh aracal Warsen.  500 Dollar  yakkeh yan iroh awqenti sarfi raaqiselem Qaddoosen.

Ta fabrika kaadu 80 takkeh tan baaxô xayloh taamâ  saami ginteh  tanim tama dooqaysoh aracal Qaddoosen.

Ta fabrika kaadu baaxoh caddol Cankah sekterih ceelallo takku xiqta taama kinnim Warsen.