" Itiyoppiyal Abbinotteh Tan Daddos Uguugus Taama Saamih Ginol Kaxxa Doori Digirak Geytimta " Plan  Kee Daddos Malaak Fitsum Assefa (Dr)

        Addias Ababa Laqinik 12 Sanat 2017 (ENA)

Plan  Kee Daddos Malaakah Tan Dr. Fitsum Assefa Elle Qaddosennal, Itiyoppiyal Abbinotteh Tan Daddos Cuggaysoosa Qidaddo Daddal Aysassakuk  Geytimtam Dibuk Hinnay Taama Saamih Ginol Kaxxa Doori Digirak Geytimtam Qaddoose.

20 haytô Baadak Taama Abeenit Eglak Kontinental Konferensil Taama Rakiiboh Mihratleela; Tamakkel Doolatak Fayya Le Miroctiiy, Baxaabaxsa Le Baaxooxah Awlaytit Kee Baad Caddoh Institutionitteh Mirocti Edde Tengelem Qaddoysen.

 

Ta Koboxuk Xaqut Baaxooxa Taama Saamih Ginol Abak Raag Elle Tabsan Walal Gexsen.

Plan Kee Daddos Malaakah  Fitsum Assefa (Dr.) Elle Qaddoosennal Itiyoppiyal Inkih Sittat Angaaraw Le Qidaddoh Siirat Xisaanam Kee Taama Saami Ginoonuh Assakatle Macal Akkuk Geytima.

Taamâ Saamih Ginol Cankâ Luddal Leh Yan Doori Hangit Haak Doolat Cankâ Ludda Aydukumusak Baarle Taama Saamih Gino Caalitte Gintem Kassiise.

Itiyoppiya Baaxoh Addah Qidaddo Milaaguh Taddeeral Taama Saamih Gino Faximtah Tan Ajenxa Abak Geytimtam Kassiise

 Tama Baaxoh Addal Taama Fanah Culteh Tan Industiri Parkitte Kee Baxsale Qidaddoh Rasitte Kaadu Mangoh Tan Baaxo Xayloh Taama Saami Ginteh Tanim Qaddoosen