IGAD kee Awroppah Inkiinoh Egla Rakaakay Angaaraw Luk Sugen Fantaaxaw Maqarroosen.

           Addis Abaaba  Laqinik 12 Sanat 2017 (ENA)

Doolat Fanal Daddos Caagiidal (IGAD) Kee Awroppah Inkiinoh Egla Rakaakay Caddol Inkih Tan Caagiidal Sitta Lih Taamitaanam Faxximtam Yiysixxigen.

Sidoc Heele Afrikah Inkiinoh Egla Kee Awroppah Inkiinoh Eglak Malaakih Daffeyna Beljiik Baaxok Buruksel Magaalal Gexsitele Axcuk Qambaalan.

Doolat Fanat Yan Daddoosih Caagiidak (IGAD) Naharsi Kutbe Abe Dr. Workneh Gebeyehu Tama Gudgudut Yangaluh Buruksel Magaala Fanah Gexem Yiysixxigen.

Naharsi Kutbe Abe Awroppah Komishinik Baad Caddol Angaarawih Caagidih Dayrekterih Yan Kon Donnes Kee Inkiinok Iroh Angaarawih Ayfaafayih Ciggiila Saqalah Yan Matthew Brines Lih Walal Gexsen.

 

Tama Walalal IGAD Kee Awrobah Inkiinoh Egla Afrikah Gaysal Salaam, Xisneh Xisne Kee Rakaakay Inkittinaane Caagiidal Sitta Lih Taamitaanam Faxximtam Qaddosen.

Biraselsil Sugeh Yan Uddur Naharsi Kutbe Abe Adoytit Baaxooxah Butta Lih Walal Abeloonum Qambaalan, Tonnah Awrobah Inkiinoh Egla Kee Afrikah Inkiinoh Awlaytit Lih Walal Abeloonum Kee IGAD Sittaluk Angaaraw Kee Rakaakay Ajenxaaxil Hangi Haytam ENA IGAD Kutbeh Buxak Geyte Oyti Yascasse .

Sidoc Heele Afrikah Inkiino Kee Awroppah Inkiinok Malaakih Daffeynak Naharat Ambasadderitte Kee Fayya Le Mirocti Daffeyna A saaku Kee Beera Gexsitele Axcuk Qambaalan.

#IGAD #Ityoppiya #Xaagi_Raceyna