Fooca Fanah Hadalsimtu Waytah Tan Taama Samitte Dijital Ixxiga Rakiibo Abak Akkelem Yescessen

Addis Ababa  Laqinik 11 Sanat  2017 (ENA)

Fooca Fanah Hadalsimtu Waytah Tan Taama Samitte Dijital Ixxiga Rakiibo Abak Akkelem YInnoveeshin Kee Teknolooji Malak Qaddoose.

Dijital Itiyoppiya Arac Akah Xagtannah Rakiibok Tanimi, Dijital Ixxiga Diggoysaanam Kee Tama Ixxiga Dijital Siiratih Addal Elle Faxximtannal Tuxxiiqit Asisaanam Kinnih Tanim Yiysixxigen.

Awayi Waktil Dijitaalal Rakiibo Abta, Internet Katuk Faxe Aracak Gacca Iyyeenih Qusba Saami Acayuk Geytimtah Tan Taama Kinnih Tanim Innoveeshin Kee Teknolooji Malaakih Qaklisi Dr. Abiyot Bayu Qaddoose.

 

Tama Saamit Tantiffiqimem Xiqta, Faxximtah Tan Dijital Ixxiga Leh Yan Mara Dibuk Kinnim Ascassuuk:- Qunxaaneyti Tamaham Asmatuk Doolat Keenih Missosseh Tan Itiyo-Koder Aydakaakanat Yantiffiqimeenim Faxximtam Kassiise.

Sanatal Yibbixeenih Yanin Taddeerak, Away Aydakaakan Beytah Tan Maritteh Ixxima Meqe Caddot Geytimtah Tanim Yiysixxige.

Takkay Ikkah Itiyoppiya Leh Tan Qunxaaneyti Ixxima Kee Tama Saami Inkitanuuk Edde Tantiffiqimuh Leh Tan Xiqto Lih ableh Nan Wak, Ahak Tayse Taama Takkem Faxximtam Kee Mango Qunxaaneyti Tama Saamit Akah Yantiffiqimennah Abaanam Faxximtah Tanim Qaddoose.

Qunxaaneyti Tama Aydakaakan Meqe Gurral Akah Beyan Innah, Kulli Cdadol Geytimah Yan Miraaciini Faxxiima Qokol Abam Faxximtah Tanim Kassiise.