Qafar Agatih Rakaakayih doolatak Daqorti saqoltii kee Daqortik maaliyyah Ku/Buxah saqolti Luk walal Gexsen - ENA Qafar Afa
Qafar Agatih Rakaakayih doolatak Daqorti saqoltii kee Daqortik maaliyyah Ku/Buxah saqolti Luk walal Gexsen
Addis Ababa,Laqinik 8 Sanat 2017 (ENA)
Ta aracal Qafar Agatih Rakaakayih doolatak xiinissoh Abba cajji Awwal Qarba Geytimak Iyyeemih Daqoortil faxe qaynatih Meklâ le saaqatal Akah Akke waytam maca Kinnim Kee Tu-sabab Maleh Qasbi le saaqatal Mekelê wayteh tan Daqoritil Sissik maaqatta Gexe Loonum Qaddoose.
Faxe Qaynatih Qasbi le waktil Mekelaanam faxximtah Tanim kee Tahâ fanah Rakaakay caddol faxe daqaaray Qasbi waktil Mekele maduuda akah iyya sabab inkinnah ane waam kinnuk, waktil akah mekele waan taqabi yenek, too daqaarih xintoo kee maaliyah kutbeh buxah taqabi kinnim ascassuk tahak wadirih tannah tan abtot tan xintô xagorti Qasbi mekelâ waktil akah abtannah Digga luk Kassiise.
Ciggiilak takkel geytimeh yan Maaliyyah biirô saqal Gifta Acmad Macammad bodayya Maaliyyah Antafaqiyya Wagsiisak Presentation xayyoosek lakal
Tonnah Rakaakayak sadar ayfaf kee sahdayti gaddih daddoosih biiroh caddol ma^galah saahillosih mekla maca celtaah iyyah mekkelsimtam kee macah udurrutteemil tekke taamoomi wagsiisah yan ammunta xayyoosak walal elle yekkeeh.
Ta ammunta xayyooseh yan sadar ayfaafih biiroh saqa macammad acmad Mano galah sahlissoh mekla takkuh akah takkem faxximta dagortih federaal doolat rakaakayittel sirrit gexisseh sugte kusaq kee rakaakayal yan sahdayti cayla cakkisita fanat suge baxsa massiisaanam kaxxa taqabi luk sugtem qaddoose.
Aham fan alakqo akah mekkeltime wayte taqabittek tiyakteena federaal caddol akak yublenintii kee baaxol tan numma tittal amaate waytem kinnim qaddoseh yan gifta macamad Acmad away sugte taqabitte massossa heenih gaxxa garabluk 1-2017 ak qimbisak akah mekkeltimtannah gaba kaleenihbyaniinim yiysixxige.
Away takku wayta mano galah sahlissoh meklataay sangerraay, shariiqaay, fayu abeenitiiy, doolat daddoosih fanteenaani kee baxabaxsale NGO taama abeenit edde anewaytam kee awayih ibak raaqaanamah sarrah ken mawagitta yaanam akke waytam qaddoose.
Baxaabaxsa le walal Elle Yekkek Gamadal, ciggilta Taamah afkanitte elle acayuk walal Meqe Gurral Yumurruqe.