Dubte Daqar Anxarin Raatih Taddeerah Daabisoonu Waan Cooxih Bici Yekkeh Geytiman - ENA Qafar Afa
Dubte Daqar Anxarin Raatih Taddeerah Daabisoonu Waan Cooxih Bici Yekkeh Geytiman
Addis Ababa Laqinik 7 Sanat 2017 (ENA)
Awsi Rasuk Dubte Daqar Karmah Anxarin Raatih Taddeerah Daabisan Cooxih Bici Akkuk Geytimam Qaddowte.
Daqaarak Saqaay Buqre Kee Gino Gaddih Daddoosih Kutbeh Buxah Saqal Macammad Noora Qali Faana Midiya Korporeeshinih Elle Qaddoosennal:- Tamaate Karmah Yakke Coox Yaydarreenimih Taama Qimbiseenih Geytimaanam Yiysixxige.
Tama Coox Aydorrih Taama Namma Fanteenal Akkuk Geytimtam Ascassuuk, 1haytò Fanteenal 100 Hektaarih Baaxol Burtukan Cooxih Aydorra Elle Takku Waytah Tanim Qaddoose.
Gersi Fanteenal Kaaduk 20 Hektaarih Baaxol Iraawoh Yakke Cooxuuy, Pappaye, Muuz Kee Iraawoh Yakke Coox ih Aydorra Elle Akkele Axcuk Yiysixxige.
Tahak Ugut Abak Tama Cooxuy Yaydarreenih Yaniinih Iyyah, Karmah Uddur Elle Daabisan Aroocah Baxsiyya Kee Boodo Bica Ahak Amal Taakume Bicitte Abak Geytimaanam Qaddoose.
Tahak Ugut Abak Baxaabaxsa Le Fanteenitil Tama Aydorra Akkyk Geytimtah Tanim Gifta Macammad Noora Qaddoose.
Tama Coox Aydorrih Taama Elle Takkeh Tan Fanteenitil Qunxaaneytah Taama Saami Geysiisak Taama Akah Aban Innah Tekkeh Tanim Ascassuuk, Gersi Katuk Gaddaleela Kaaduk Gabat Agle Akah Haysittannah Abeenih Yaniinim Kassiise.