Rakaakayitte Asanatih Anxaxin Raatih Taddeerah Mango Qaynatih Cux Missoysak Bicak Geytimaanah Yaniinimiiy Qaddowte.

       Addis Ababa Laqinik 6 Sanat 2017 (ENA)

-Asanatih Anxaxin Raatih Taddeera Rakaakayitte Mango Qaynatih Coox Missoysak Bicitteeta Abak Geytimaanam Qabbi Qaxih Ayrô Culmah Rakaakay Kee Binishangol Gumuz Rakaakayitteey Tescesse.

Ta Namma Rakaakayitteey Anxaxin Raatih Tadderah Akkuk Geytimta Bicitte Wagittaamal ENA Xaagu-Qawa Wakti Keenillihiiy Hayte.

C/Perezixantih Bilhadal Gabbi Qaxih Ayrô Culmâ Rakaakayak Buqrê Biiroh Saqal Gifta:-Mashraash Belaachow Elle Yescesseh Yan Innalaay Asanatih Anxaxin Raatih Taddeerah Bicitteh Rakaakay Caddol Bunaa Kee Shaahî Cooxuuy,Caxaaxuwaa Kee Caxâ Miruuy,Tonnaah Kalah Tan Coixih Caddol Missoowak Geytimaanaah Yaniinimiiy Yescesse.

 

 

Coox Daabisso Elle Takku Wayta Aroocaay,Tonnaah Daabimtu Wayta Coox Kee Daabimtu Waytah Tan Coox Qadad Aracat Haak Geytimaanam Ta Saqalaay Yescesse.

Binishangul Gumuz Rakaakayak Buqrê Biiroh Saqal Gifta:-Aboobakar Khaliifa Elle Qaddoyseh Yan Innalaay,Rakaakay Caddol Asanatih Anxaxin Raatih Taddeerah 75 Miliyeenih Caxa Daabisoonuh Ikraariseenih Yaniinim Kee Tonnah Taakume Bicittek Gaba Kalak Geytimanamaay Baxxaqise.

Tahâ Fan Yekkeh Yan Gexsitil Coox Elle Daabisoonu Waan Aroocah Baxsaay,Tonnah Daabimtu Waytah Cooxih Missos Kee Kalah Tan Bicitte Akkuk Geutimtah Taniimitiiy Yaabe.

Anxaxin Raatih Taddeerah Daabimtah Tan Coox Dariifâ Dacayriiy,Maaqiddi Caabii Kee Rosqâ Milaagih Caddol Kaxxa Doori Leh Tanim Ta Saqiltiiy Kassisse.

 #Dariifâ Dacayri #Anxaxin Raatih Taddeera #Itiyoppiya#ENA #Itiyoppiyak_Xaagi-Raceena