Gifti Amina Seeko Addaqa-Billi daabah gitih Danbiyô taamat gufne abte

Addis Ababa Laqinik 3 Sanat 2017 (ENA) 

Qafar Rakaakayak Gití daddos kee merraytí biiroh saqlá Gifti Amina Seeko kilbatti rasuk Baraclê Daqaarak Addaqak konnabak farasdaggeh fanah beyah yan Gitat  akkuk geytimta Qedeebô taama kee weeqi kalalih (xichitte) haak geytimaanah yanin taamat gufne abte.

Tama Gufneh Aracal  Giti daddos kee merraytí biiroh saqlá Gifti Amina sekooy, Giti dadoosuk C/saqal Enginer Qali Yayooy, Kilbati rasuk Leeda partih saqal Gifta macammad casanaay, konna daqaarak xiinissoh saqla Gifta macammad Yacya kee daqar miracini elle geytime.

 

Gifti Amina Seeko ta aracal intemihiiy, Kilbatti rasuk baxaabaxsa le daqoritil Giti danbiyoh abak geytimaanam aysixiguk asaaku elle geytimnah nan giti raddeh sugeh yan  karma robook gexaamah finqiteh suge gita kinnih tanim kee tam giti xexaarak 26 k. M yakkeh yanim kee fexeraalak Giti fenxek geenih yanin maali qokolut caddo akak fayya haak Danbiyô taama edde abak geytimaanam tescesse. 

Tonnah kaadu rakaakay, baajetit weeqi gexa (xichitte kee Qunxa Qunxa) holholitt edde haak taamitak Ayyuntah dudda leh yan ayfaafay, akah yacennah abeenih geytimaanah yaniinim Gifti Amina  tiyisixige.

Qagitak tama aracal yab abteh tanim Kilbatti rasuk Leeda partih k/buxah saqal Gifta Macammad Casan iyemihiiy, Giti daddos kee merraytí biiro kilbatti rasuk baxaabasa le dariifal finqitteh sugte Gitittet danbiyo taama abak geytimaanam kee asaaku elle geytimnah nan Gita kaadu tonnah yoomeh suge gitay, danbiyo taama edde abeenih yaniini kinnuk ayyunti essero xayi uddura akah taduurennah tekkeh tani kinnuk Giti daddos kee merraytí biiroh inni kee kilbatti rasih migaaqal kulsa le gadda siinih gacisa iyye.

Qagitak Tama aracal yab abteh tanim Konnabi daqaarih xiinissoh saqal Gifta macammad Yacaya iyemihiiy,Rakaakayak wagsiisah yan xagar geyak ayyunti esseroy, luk sugeenih yaniin gacisaanamih taama tekkeh tanim kee tah abteh Giti daddos kee merraytí biiroh konnabi daqaarih migaaqal kulsa gadda siinih gacisa iyye.