Qafar Rakaakayak Sifra Daqaarak 4 Awdal Solaarat Taamita Maqub Lee Kee Efeq Daddosih Cugayso Dooqaysen.

Addis Ababa Laqinik 3 Sanat 2017  (ENA)

Qafar Rakaakayak Saq Kee Kullumti Gaddih Daddosih Biiro Qabar Massada Kee Dacarsittoh Xiinak Sarimane-le Manoh Maysaasasah Taddeera DRSLP/ACIS Taaliyan Doolatak Geytimeh Yan Maalih Qokolut Sifra Daqaaral Baxaabaxsale Saq Kee Ayyuntti Maqub leey, 44 Hektaaral Taamitan Saqi Qaysoh Buqrey, Gadbo Xalootih Taama Edde Takkeh Tan Efeq Cugaysoh Dooqayso Tekke.

Ta Dooqaysoh Aracal Rakaakayak Ciggila Prezxaantiy , Arxi Xiinissoh Biiroh Saqal Qumar Nuur Qarbay , Buqre Malaak kee Efeq Kee Laqin Dariifa Mano Maysaasah Malaakih Deetay , Rakaakayak Fayyale Miraacinnuy , Rasu kee Daqoorit Miraacinni Elle Geytimoonu Xiqen.

 

Dacarsitto Xiina Ayyuntih Mano Milaagonuh Maqub Lee Rakiibo Kinnimih Taagah Ayyunttah Dibuk Hinnay Saqah Edde Massoysak Saqi Gaddih Luddal Abak Geytimnah Nan Taama Fayya le Xaloot Geysisem Buqre Malaakih Deeta Dr. FIKRU RAGAASA Qaddoose. 

Qafar Ummattat Qagaqagitak Qabarak Ugutaak Mango Taqbite Keenit Bodaamih Taagah Sifra Daqar Kee Baxaabxsale Daqooritil Qembiseenih Yanin Taamomi Baarisak Ni Balaaqe Ni Leeda Inttah Tan Itrol Qembisimteh Tan Daddos Taamomi Arac Akah Dagtanah Kulli Miraacinni Farakka Luk Taamitanam Faxximtam Kassise. 

Ta Cugayso 40 Hektaaral Saqi Qaysoy , 4 Hektaaral Yankameh Yan Coor Xaabisak , Baxaabaxsale Awdoodil Ayyunttah Maqub lee kee 3.1 K.m Dedaar Le Efeq Leeh Taama Dooqaysak Ayyuntta Gaba Makalak Yayaaqonuh Sifra Daqaaral Tekkeh Tan Taama Meqe Xaloot Geytimem Qafar Rakaakayak Saq Kee Kullumti Daddosih Biiroh Saqal Ibraahim Macammad Yescesse. 

Ta Cugaysoh Taama Taaliya Doolatak Daddos Qokolut Geyyimeh Yan Maalut Qafar Rakaakayak 4 Daqooritil Arcih Sifray , Qammi Baxay , Talaalak Kee Dawwe Daqaaral Saqi Qaysoy , Maqub lee kee  Gadbo Xalootul Taamitak Geytimaanam Yescessen.