Agat Caddol Qimboh addah Gexsoonu Waan Tamiri Buqreh Baarisso kee Kusaq Festivaal Qafar Rakaakayal Gexsitelem Qaddowte

Addis Ababa Qasa Dirrik 22 Sanat 2017 (ENA)

Ximoli Alsak 26 ilaa 28, 2017ih Itiyoppiyah Caddol Qimboh addah Gexsoonu Waan Tamiri Buqreh Baarissoo kee Kusaq Festivaal Qafar Rakaakayal Gexsitelem Qaddowte

Tama Festivaalak Yaakume Bica Wagittaamal Buqrê Malaakak Ciggiila Malaakah yan Dr Efa Muleeta, Rakaakayak Ciggiila Prezixentiiy Ardi Biiroh Saqal Gifta Qumar Nuur Qarba, Tengele Qarab Imaaraatih Doolatak Khalifa Tamiri Murtih Cugaysok Temeete Erga Edde Anuk  Federaal Kee  Rakaakayak Fayya le Miraaciinih Erga Awsi rasuk Aysaqiita kee Afambô Daqortil Akkuk Geytinta Tamiri Buqreh Fanteenaanit Gufne Aben.

 

Buqrê Malaakak Ciggiila Malaakah yan Dr Efa Muleeta abeh yan yaabal asaaku aben gufnek Hadaf Tengele Qarab Imaaraatih Doolat Luk Cattiimak Qafar Rakaakayal Tamiri Buqre Baarisoonu kee Qokoloonu Kinnih Tanim Qaddoose .

Rakaakyak Buqre kee Ginô Gaddih Daddoosih Biirok Gino Gaddih Langil Biirok Ciggiila Saqalah Yan Gifta Qusmaan Macammad Cummadda  Asaaki Gufne Ximoli Alsak 26 ilaa 28, 2017 Agat caddol Qimboh addah Qafar Rakaakayal Gexsoonu Waan Tamiri Buqreh Baarisso kee Kusaq Festivaalak taakume Bicitte maca celtam kusaaqisak afkan daffeesoonu kinnim yescesse. 

Samarâ Jaamiqatih Perezixentih yan Dr. Macammad Qusmaan abeh yan baxxaqsal Rakaakay Doolatak hirgeenih yanin 2500 Hektaar takke baaxol Ciggiila Bacra Liggidih Addat 1 Miliyoon yakke Tamiri Coox Daabisoonuh Qusba Cugayso Aysaqiiti Daqaarih Caddol Qimbisiiseenih Yaniinim kee awakih uddur taakume bicittê taamoomit geytimaanam diggoyse.  

Tama Erga Ossotinah Afambô Daqaarak Gamarri bad edde anuk sissin Daddos Fanteenaanit gufne Aben.