Asaakî Macsenta Together For SRHR Deqsita Qusba Project Qimbisiisiyyî Taddiira Gexsitte.

Addis Ababa Qasa Dirrik 21 Sanat 2017 (ENA)

Rakaakayak Qaafiyat Biiro Luk Taamitta Qusba Projectiy Together For SRHR Deqsita Qimbisiisiyyi Taddiira Samarâ Magaalal Gexsitak Maacissem Tamixxige.

Ta Project Qusba Projectiy Kilbattî Rasuk Wasamî Daqaaral Taamitu Waa Kinnim Kee Usuk Elle Taamitu Waam Xeflih Inonti Kee Alaaqa Qaafiyat  Kinnim Tamixxige.

Inonti Kee Alaaqak Qaafiyat Diggoysaanamay, Inonti Xalayak Gamadal Hanaawisanamay, Inonti Qaafiyat Fanteenanil Akah Xaltannah Qaafiyat Mansoofah Cato Abaanam Kee Amô ladih Inontik Qaafiyat Caabi Daggoysaanamal Taamiteloonum Tamixxige.

 

Tonnah Kaadu Ta Project Namma Sanat Takkeh Gid Sugu Waam Kee Ferey Takke Meqem Abittoh Eglaali Sittâ Luk Cattiimiyyal Xissiime Project Kinnim Kee Axcih UNFPA, UNICEF, WHO Kee UNAIDS Sitta Luk Gacak Abta Taama Kinnim Tamixxige.

Tannah Yan Program Kaadu Agat Caddol Kaxxah Yan Programay Ayyuntah Baxsale Manfaqat Aceele Axcuk Qambaalana Kinnim Tamixxige.

Tama Gudgudul Geytimak Yab Abtem Ciggiila Perezdintih Bilhadal Ayyuntiinô Kilasterih Saqal Kee Qaaday, Qunxaaneyta Kee Sport Biiroh Saqalah Yan Gifta Caamid Duula Kinnuuk Ta Meqem Abittoh Egla Inonti Kee Alaaqa Raba Daggaysoonuh Taamiteloonum Naba Ruffa Nee Hayta Axcuk Awayih Uddur Ta Project Taama Wasamî Daqaaral Qimbisaanah Sarrah Kaadu Gersi Daqoorit Fan Baarisak Gexeloonumul Kibaal Lino Axcuk Yaabe.

Tonnah Kaadu Qaafiyat Biiroh Saqal Gifta Yaasin Cabiib Ta Project Inonti Kee Alaaqa Hanaawisoonu Kee Inonti Kee  Alaaqa Raba Daggoysoonuh Kaxxa Taamal Abeloonumul Kibaal Lino Axcuk Yaabek Gamadal Nanu Qaafiyat Biiro Kinnuuk Ta Project Abu Waa Taama Sereegalla Bahtuh Dudda Haynaamal Ken Catak Gexenno Axcuk Yaabe.

Ellê Cabol Gudgudul Project Wagsiisak Baar Le Walal Akkuk Maaciseek Gamadal Gudgud Meqe Gurral Yumurruqe.