Maaliyyah Malaak Gifta Acmad Shide Awroppah Investimenti Bankik Ciggiila Pirezdantih Yan Ambroise Fayole Lih Walale.

Addis Ababa Qasa Dirrik 21 Sanat 2017 (ENA) 

Maaliyyah Malaak Gifta Acmad Shide Awroppah Investmentih Bankik Ciggiila Pirezdantih Yan Ambroise Fayole Lih Daddos Kee Investimentih Caagiidal Walal Abeh Yanim Qaddoosen. 

Tama Walalal Sitta Lih Taamitaanam Daddos Caddol Akah Diggoosan Innah Sittin Gey Aben. 

Gifta Acmad Shide Awroppah Investimenti Banki Itiyoppiyak Qidaddo Kee Ayyuntiino Daddosul Kaxxa Doori Digirta Ludditte Akah Aban Innah Abak Geytiman Qokoluh Gadda Gacse. 

 

Baxsa luk Qunxaaneyta kee Fanti Caddoh Interpiraayizih Maaliyyaay, Leey, Saytunnos Kee Sayyoh Taama Gino Daddosih Luddal Yakkeh Yan Cato Gadda Gaciseh. 

Bankik Ciggiila Pirezdantih Yan Gifta Ambroise Fayole, Itiyoppiya Maddur Daddos Kee Daddoosih Naharsiino Akah Abak, Abbinossah Tan Luddal Qokol Diggooselem Qaddoyse. 

Walal Wakti Catoh Xagana Edde Anuk Qusba Baadak Tayarah Booxah Cugayso Maaliyyah Qokol Doorititte Gorisanam Edde anuk Tama Bankik Fayya Le Mirocti Itiyoppiya Fanah Aben Gufneh Uddur Namma Katuk Sitta Lih Taamitaanam Fooca Fanah Diggoysaanam Kee Baxaabaxsa Le Ludditte Kee Dooritittel Walal Abelon Axcuk Sittin Gey Aben.

#Ityoppiya
#Ityoppiyah_Xaagi_Raceyna
#ENA