Angaaraw Biirok Naharsi Saqal Gifta Macammad Qali Biqdo Qeeli daqar daqaaral giti taama abak geytimtah tan Chaynah Kampanih miraaciinu luk walal gexse.

Addis Ababa Qasa Dirrik 20 Sanat 2017 (ENA)

Awsi Rasuk Qeeli daqar daqaaral kattat kee qokol taama abak geytima Doolat angaarawih biirok Naharsi Saqal Gifta Macammad Qali Biqdo daqaaral giti taama abak geytimtah tan Chaynah Kampanih miraaciinu luk walal gexseeh ta gitih taama meqe gurral akkuk geytimtah tanim qaddoyse.

Gifta Macammad Qali Biqdo kee Daqar miraaciini a abeh yan gufnel Earth work  Structure around Asphalt Concrete kee  bridge(adeeditteh) taamoomi meqe gurral akkuk geytimtam yabloonu xiqeenim qaddoyse.

Chaynah Kampanih miraacini elle yescessennal Baaxoh caddol cementiiy, sirag le lee kee kalah tan taqabitte raaqa warrayteh tan sidiica alsitteek wadirih meqe caddot geytimtam qaddoysen.

 

Inki inki taqabittey keenit garayta kaadu daqar miraaciinu luk gacak calli akah acayuk geytimaanam qaddoysen.

Qeeli daqar daqaral yanih yan baakar hangit haak ummattâh sinni bottit saytun maqub lee xayyoysak geytimaanam kinnuk ta meqe taamah Gifta Macammad Qali Biqdo kaadu gadda keenih elle gacse. 

Rakaakayak giti daddos kee meerrayti biiro baxsale kattat abak geytimtam kee Samaraak - Buure ummattâ meerrayti ayfaaf geyta innah tekke taamat kulli ayro samaraak - meerrayti ayfaaf yanim  yabloonu duudeenih yaniinim kassiiseh yan Gifta Macammad Qali  Biqdo tahah kaadu Giti daddos kee meerrayti biiroh miraaciinuu kee mehrat leelah  gadda gacsee. 

Federaal doolat takkuuy doolat akke sinni eglaali ni addal abtah tan xisoosaa kee daddos neh yakkem axaguk baxsale hangi akah acayuk abah yan maraa kee mehrat leela hanaawisnam faxximtah tanim Gifta Macammad Qali Biqdo qaddoyse.