Itiyoppiyak Xaagi Ayfaf Agat Caddol Leh Yan Masuuliyyatak Tawquh Abak Geytimta Macal Assakat Le - Demokraasih Caagiidak Maytani Makaado

Addis Ababa Qasa Dirrik 20 Sanat 2017 (ENA) 

Ummattah Awlaytiitih Malah Buxak Demokraasih Caagiidak Maytani Makaado Itiyoppiyak Xaagi Ayfaaf  Agat Caddol Tewqeh Tan Masuuliyyat Akah Tabsan Innah Abak Geytimta Angagoyyitte Assakat  Lem Qaddosse. 

Maytani Makaadoh Adoytit Itiyoppiyak Xaagi Ayfaafih Fanteenal Akkuk Geytima Riformi Taamat Kusaq Abeenih Yaniinim Qaddoysen. 

Maytani Makaado Itiyoppiyak Xaagi Ayfaf Dijital Oyti Geytoh Dooritittel Itiyoppiyak Baxsa Le Afrikah Xongolo Akah Takkennah Abak Qimbisseh Tan Taama Wagsiisak Addaffakot Aben. 

Maytani Makaadoh Ciggiila Saqal Azmeraw Andemo Elle Qaddoysennal  Itiyoppiyak Xaagih Ayfaaf  Mala buxah Tayyaaqeh Tan  Madqooqi Meqennal Abbinoysak Assakat Le Xali Geytimelem Qaddoyse .

 

Itiyyobiyak Xaagih Ayfaf (ENA) Taama Abeenit Miracsenta Madqooqiiy,Edde xintitte kee Miracsentitte Hangit Haak Mangafiya Taama Gitite Meqenal Abinowenik Xalu Geleysisaamih Ascossa Kinnim Qaddoyse . 

Gidda le Miixiya sinni Baaxo Xongolo Antabbewaytam Qaddoyseh Yan Gifta Azmeraw Qaddoo isih hinnay gersi marah Takku Xiqta Missoyna Xisaanam Faxximta . 

Tahak Ugut Abak Itiyoppiyak Xaagi Qawa Ahak Afal Sugteh Tan Taqabitteh Calli Abak Agat Caddol Isi Masuuliyyat Yawqeenim Faxximtam Kassiise. 

Ta xisoh Saqolti Kee Taama Abeenit Itiyoppiyak Xaagih Ayfaafay Akah Gexannah Abeenih Yanin Meqe Taama Kee Macalah Gadda Gacse. 

Itiyoppiyak Xaagi Ayfaafayak  Naharsi  Saqalah Yan Gifti Gifta Seife Derbe Elle Qaddoosennal: ENA Agat Caddol Sittingey Ginaanamaay, Agat Ceelo Xisaanamaay, Afrikah Xongolo Yakkeenimih Missoyna Akkuk Taamtak Geytimtam Qaddoyse.

#Ityoppiya
#Ityoppiyah_Xaagi_Raceyna
#ENA