Maaliyyah Malaak Gifta Acmad Shide Biritaaniyak Baad Daddoosih Caagiidal Afa Caagiidah Malaaka Lih Walale.

Addis Ababa Qasa Dirrik 19 Sanat 2017 (ENA) 

Maaliyyah Malaakah Yan Gifta Acmad Shide Biritaaniyak Baadak Daddoosih Caagidah Malaakah Yan Baroness Chapman Lih Walal Gexse. 

Washingiton DC Addal Gexsitak Geytima 2025 Baadak Maaliyyah Egla kee Baad Bankih  Dafeynal Walal Abeenih Yaniinim Qaddoysen. 

Walal Namma Baaxoh Fanat Yan Namma Baaxoh Qokolih Caagiidal Hangi Akah Yeceen Innah Abeenim Oyti Yascasse.

 

Namma Baaxo Dariifa  kee Baad Caagiidal Sitta Lih Taamitaanamih Saamitte Baarisaanamal Walaleenih Yaniimi Qaddoyse . 

Gifta Acmad shide ityoppiyal abbinooweh yan qidaddo milaagitte kee ken xalootuy, baad caddol tanih tan taqabitteey, ityoppiyal yeeyta le qidaddoh caalataay, milaagi yayse xaloot akah yakkennah namma baaxoh sittalluk abit yakkem faxxintah tan qokoluy, uxih yanih yan qokolul malaakah baxxaqisem qaddosen. 

Biritaaniyak Baadak Daddos Malaak Barines Chapman Isi Katuk Itiyoppiyal Bicisan Baaxoh Addah Qidaddoh Milaagitte Canka Sekterwah Meqeh Tan Dariifa Ginak Geytimtam Kassiise.

Tohuk Kalah Itiyoppiya Afrikah Gaysal Saay  Kee Salaam Akah Yamaatennah Abak Geytimta Angagoyyi Assakatlem Qaddoyse . 

Itiyoppiyak Baaxoh Addah Qidaddoh Milaagu Yayse Xalu Akah Yallennah Biritaaniya  Baaxo Baadak Daddos  Qokol Diggooselem Yiysixxige. 

Namma Baaxo Daddos Qokolul Dibuk Hinnay, Investementiiy, Kabxxaa kee Maaliyyah Caddol Namma Baaxoh Qokol Baarisaanamal Sitta Geyeenim Qaddosen. 

#Ityoppiya
#Ityoppiyah_Xaagi_Raceyna
#ENA