Doolat cankâ sekterih investimentitte osisuh gulguluh tan - Malaak Acmad Shide

Addis Ababa Qasa  Dirrik 18 Sanat 2017 (ENA)

Maaliyyah Malaak Gifta Acmad Shide Elle Qaddosennal Doolat Canka Sekteritteh Investementitte  Meraytu, Buqre Kabxah Maaliyyah, Kee Enerji Sekteritteh Akah Osannah Abak Geytimtam Qaddoyse . 

Baad Bankih Butta Kee Baadak Maaliyyah Eglah Liggidi  Daffeyna Washingiton DCil Akkuk Geytimtal Gaytimeh Yan Gifta Acmad Shide Miraacisah Yan Fayya Le Caddoh Butta Baadak Maaliyyah Eglah Manaaging Dayrekterih Yan Machar Diop Lih Walal Aben.

 

Tama Walalal Itiyoppiyal Abinal Geytimta Qidaddo Riformitte Kee Doolat Canka  Investementitte Uguugussuh Abak Geytiman Milaagul Walal Aben. 

Gifta Acmad Shide  Baaxok Makro Qidaddo Riformitte Maddur Qasriino Akah Yaysiisen Innah Abak Geytimaanam Kee Qadaagal Hangi Akah Yalle Qidaddo Xisneh Caagiidal Tunkuttubeh Tan Meqe Xayyos Kassiise.

Awayih Uddur Itiyoppiyal Canka Luddal Yanih Yan Bicale Makro-Iqtisad Dariifa Hangit Haak, Ityoppiyal Faximtah Tan Investementitte Qokoltuh Taama Abak Geytimta Macalitte Ossotinah Maqarroosaanamal Walaleenim Qaddoysen . 

Itiyoppiya Investimentih Bicale Dariifa Ginoonuh Abak Geytimta Macal Faxxiimak Kassiisak Investmentih Dariifa Ossotinah Yaysiiseenim Kee Canka Sekter Miraacisah Yan Kulli Daddos Maqarroosaanam Faxximtam Kassiise. 

Maaliyyah Malaakih Oyti Elle Yascassennal Namma Katuk Fayya Le Metteebanni Caddol Sitta Lih Taamitak Investimenti Cugaysoosa Kee Faxxiima Investimenti Saamitte Luk Sitta Lih Taamitaanam Elle Duudan Sittin Gey Aben. 

#Ityoppiya
#Ityoppiyah_Xaagi_Raceyna
#ENA