Dariifak sarrimaane le dadalah bohoy Takkeh tan taqabitte Sissik figda Kah Yaceenim Faxximta - Acmad Shide

Addis Ababa Qasa Dirrik 17 Sanat 2017 (ENA) 

Maaliyyah Malaak Gifta Acmad Shide Rakaakayal Sarimanele Daddoosih Taqabi Kataasak Geytimta Taqabitteh  Sissuk Calli Yacoonuh Caagiidal Sitta Lih Taamitaanam Faxximtam Kassiise. 

Baad Bankih Butta Kee Baadak Maaliyyah Egla (IMF) Liggidi Daffeyna Washingiton DC Magaalal Gexsitak Geytimta. 

24hytoh Afrikah Gaysak Uguugus Malaakih Daffeyna Raceena Qaffaydah Gala Xaqut Gexsen. 

Tama Daffeynal Maaliyyah Malaak Kee Afrikah Gaysak Uguugus Saqal Acmad Shide, Baad Bankik Ciggiila Saqal Amit Dar, Ayro Mawqa Kee Gabbi Qaxih Afrikah Uguugus Ciggiila Saqal Ndiame Diop Kee Kalah Tan Wagsiisah Yan Dagar Edde Yengelem Qaddiysen . 

 

Itiyoppiyah Uguugus Saqal Akkuk Tama Daffeynal Baxaabaxsa le Caddol Yumurruqen. 

Boodittey, Hawa Milaagih Qawwalaylooliiy, Qidaddo Sabhalal Kee Kalah Tan Taqabitte Edde Anuk Rakaakayak Sarrimanele Daddosih Mabla Taqabiteh  Takkeh Tan  Taqabitte Sissikuk Yafdigoonuh Sissik Macal Abaanam Faxximtam Maaliyyah Malaak Gifta Acmad Shide Qaddoose. 

Maaliyyah Malaakak Geyne Oyti Elle Yascassennal, Wagiitah Yan Dagorti Rakaakay Angaaraw Kee Daddoosul Loonum Duddam Fayya Haanam Faxximtam  Qaddoysen. 

Afrikah Gaysah Uguugus Baad Bankiy, Awrobah Inkiinoo kee Afrikah Daddos Banki Maaliyyah Qokol 2019 Xissime Rakaakay Qokolih Rakiibo kinni. 

Tama Uguugus Kabxa Kee Maddur Edde Anuk Baxaabaxsa Le Luddal Rakaakayitteh Qokolul Diggoosaanam Kinnim Qaddoysen. 

#Ityoppiya
#Ityoppiyah_Xaagi_Raceyna
#ENA