Barittô caagid abina kee taama nek akkeweek ellecabol wadir Raaqat nee culsa- Naharsi Saqal Cajji Awwal Qarba

Addis Ababa Qado Dirrik 27 Sanat 2017 (ENA)

Qafar Agatih Rakaakayih Doolatak Rakaakayak Barittô Sekterik Barittoh Uguugusih Konferensi  
 "Aakam Barittoh" Intah tan  Introl Samarâ Magaalal Gexisak Geytiman. 

Ta Konfrensil Geytimak Farmo tatruseh Yan Rakaakayak Naharsi Saqal Cajji Awwal Qarba Barittô Caagid Abina kee Taama Nek Akkeweek Ellecabol Wadir Raaqat Nee Culsaamih Taagah , Xaltani xalay Akah Barsaanamih Maqna Yaaxigeenim Faxximtaah , 

 

Miraaciini Kaadu Baritto Kullimik Inkih Ubka Kinnim Aaxigak Taamitaanam Faxximtam Yescesse. 

Awayî Qasrit Qalalnuh Barittô Mexxat Magaalay Barril Inkih Akah Massowannah Qembiseenih Yanin Taama Tanim Yescesseh Yan Naharsi Saqal Cajji Awwal Qarba  ta taama Kaadu Arac xagtuh Kulli Caddol Geytimah Yan Miraacinnuy , Xaltaniy , Diini Abbobti kee Rasi Kasle Sinni Doori digraanam Keenik Qambalsimtam Kassiise. 

Barittô Caagid Faxe Ummattak Sarrimaane Kibal Kinnim Ascassuk , Barittô Mexxat Dadlisonuh Barteh Yan Qunaxaaneyta kee Miraacinni Baxsale Doori digranam Keenik Qambalsimtam Barittô Biirok Naharsi Saqal Dr. Musa Adam Yescesse. 

Tannah Yan Konferensi Akah Massoyseenik Hadaf Qafar Raaakayal Barittô Luddal Yanih Yan Taqabi Akah Massowannah Faxxiimah Yan Callil Walalonuh Massoowe Konferensi Kinnim Dr. Musa Adam qaddoyse. 

Ta Konferensil Rakaakayak Naharsi Saqal Cajji Awwal Qarba Edde Anuk , Rakaakayay , Rasu Kee Daqoorit Miraacinnuy , Barittô Malaak Kee Seeco Akah Aben Qibinay , Diini Abbobtiy , Rasi Kasle kee Qunxaaneyti Edde Angaluk Geytiman