Ameerikak Awrora Magaala Itiyoppiyah Magaalol Lih Cattiimak Taamitoonuh Fayxi Lem - Magaalah Xiinissoh Abba Maykil Kofman

Addis Ababa  Qado Dirrik 24 Sanat 2017 (ENA)

Ameerikak Aurora Magaala Qaada Tabaatabsa Kee Investmentitte Edde Anuk Baxaabaxsa Le Luddal Itiyoppiyah Magaalollih Cattiimak Taamitaanamih Fayxi Lem Magaalah Xiinissoh Abba Maykil Kofman Qaddoyse. 

Ameerikal Itiyoppiyah Ambasadder Benalf Andualem Koloradoh Rakaakayak Aurora Magaalah Xiinissoh Abba Maykil Kofman Miraacisa Erga Isi Kutbeh Buxal Walal Abem Qaddoysen 

 

Tama Ambasadder Koloradoh Rasuk Aurora Magaalal Mangoh Tan Itiyoppiyah Xaylo Kee Itiyoppiyah Ukubya Lee Maritte  Elle Tanim Kassiise. 

Ta Magaalah Addal Mangoh Tan Itiyoppiyah Ubkale Maritte Elle Geytimtam kee Ameerika Kee Itiyoppiyah Fanal Qaada Tabaatabsa Dadlisoonuh Kaxxa Doori Digraanam Xiqaanam  Yiysixxige. 

Tah Arac Xagtuh Embaasi Faxxiima Qokol Abelem Yiysixxige. 

Awrorah Magaalah Xiinissoh Abba Maykil Kofman Elle Qaddoosennal, Awrora Mangoh Tan Itiyoppiya Kee Itiyoppiyah Ubka Leh Tan Maritte Elle Taqiisheh Tan  Magaala Kinnim Qaddoyse .

Tama Magaalah Addal Geytimta Itiyoppiyah Xaylo Kee Itiyoppiyah Ubkale Maritte  Magaalah Qidaddo Kee Ayyuntiinô Tuxxiiqih Abak Geytimta Doori Baxaabaxsa Lem Yiysixxigen. 

Washington DCil Geytima Itiyoppiyah Embasih Oyti Elle Yascassennal Ta Erga Adoytit Magaala Kee Institution Caagiidaay, Investimentitte Kee Qaada Tabaatabsa Sitta Lih Taamitoonuh Fayxi Loonum Qaddoosen. 

#Ityoppiya
#Ityoppiyah_Xaagi_Raceyna
#ENA