Fanti Rasuk Gittisso Buxa Baxaabaxsa Le Daddos Taama Abak Geytimta

Addis Ababa Caxah Alsak 22 Sanat 2017 (ENA)

Fanti Rasuk Gittisso Kutbeh Buxa Baxaabaxsa le Caxamiiru Kee Caxaxuwah Murtih Daddoosih Taama Abak Geytiman.

Gittisso Buxak Saqalah Yan Ciggiila Komander Qumar Cummad Faana Midiya Korporeeshinih Elle Qaddoosennal:- Gittisso Buxah Caddol Baxaabaxsa Le Murtih Qaynat Elle Daabisak Xalot Akak Geyeenih Yaniinim Qaddoose.

 

Tahak Ugut Abak Tama Murti Kaaduk Qadaagah Xayyoosak Culenta Akak Geyaanah Yaniinim Yiysixxige.

Daabiseenih Dadalteh Murtitte Noramal Mangok 12, Appil Mangok 77, Pappayyek 213, Muuzuk 120 Caxa Daabisak Dadalteh Tanim Qaddoose.

Ossetinah Zeytunuuy, Loomi, Burtukan, Bunaay, Abookaadooyh Coox Daabiseenih Iyyak Meqe Gurral Murti Tacem Qimbimteh Tanim Kassiise.

Sittat Amolladih Baxabaasa Le Qaynatih Cooxuy Daabiseenih Iyyak aham Fanah Dadaltu Xiqteh Tanimi 441 Murti Akak Geytimu Xiiqe Yanim Qaddoose.

 

Kalah Kamadorey, Barbarey Hinnammay Kaariqaay, Kee Kalah Tan Caxaxuwah Murtitteh Aydorra Abak Qadaaga Fan Xayyoosak Ayyunti Tuxxiiqil Asisaanam Qimbiteh Tajnim Yiysixxige.

Caxaxuwa Kee Caxmiiiruk Ossetinah Diidaaleh Aydorrih Taama Edde Abak Geytimaanam Qaddoose.