.I𝐧𝐧𝐚𝐥𝐢𝐥𝐥𝐚𝐚𝐡𝐢 𝐖𝐚𝐢𝐧𝐧𝐚 𝐈𝐥𝐞𝐲𝐡 𝐑𝐚𝐚𝐣𝐢𝐪𝐮𝐧 Qafar Makaabanti Cajji Macammad Waasiq Amokradah Kaa Yibbixeh Yan Lakimak Gexxaamah karmak 97 Isi Cakki Gee.

Addis Ababa Caxah Alsak 22 Sanat 2017 (ENA)

Gannat Geyo Macammad Waasiq Abbak Waasiq Macammad Kee Inak Wasakmali Maacek Sanat 1920 I.L.L Awsí Rasuk Kori Daqaaral Yooboke.

Gannat Geyo Macammad Waasiq Dargi Xintoh Dabaanak Xabba Haanam Baxaa Baxsa Le Miraacinni Caddol Taamitak Yemeeteh Yanim Kaak Manoh Aydaadi Yascasse.

Gannat Geyo Macammad Waasiq Dargi Xintoh Daban Mango Sanootah Awsi Awrajak Majlis Miraacinnul Taamiteh Yanim warsan. 

Gannat Geyo Macammad Waasiq Qafar Rakaakayak Inkih Tan Rasittel Ayyunti Bood Missoysuh Elle Angayye Wee Rasi Ane Waam kee Mango makaaboonih ruugul Qadlil yamixxige Makaabantuk sugtem kee
Qafar Addal Faxe Caddol Yaafeh Yan Sittin Way Gabal Akak Bictaah Salaamal Tafidigeh Tan Kaslek Numuk Teenah Sugtem Kaak Manoh Aydaadi Yascasse.

Gannat Geyo Macammad Waasiq Cinnale Furrayna Barittoh Buxak Fayu Abe Akkuk Baxaa Baxsa Le Liggiditte Taamiteh Yanim Kee Tonnah Kaadu Dubte Daqaarak Shariiqah Cokmih Buxak Fayu Abe Akkuk Taamiteh Yanim tamixxige. 

Gannat Geyo Macammad Waasiq Faxe Caddol Ethiopiah Moddaqiino Kee Konnabnat Yaafeh Yan Bood Kee Gibdaabinal Issi Rooci Kee Qabala Fida Abak Carbit Angaluk Sugeh Yan Agiruk Sugeeh, Baaxoh Caddol Qafar Awlisak Qafar Ayyuntih Tuxxiq Diggoowuh Mabla Kee Qangara Akak Gexxa Tan Kaslek Numuk Teenah Sugem Kaak Manoh Aydaadi Yascasse.

Gannat Geyo Macammad Waasiq Qafar Ayyunti Ixxigat Mirracsimoonu Kee Baritto Leh Tan Tuxxiq Yaysexeexegenimil Kaxxa Macal Abak Temeeteh Tan Kaslek Numuk Teenak Sugem Kee Qafar Ayyunti Barittol Leh Tan Mabla Milaagonuh Barittoh Uguugusul Amaxxaguk Suge.

Gannat Geyo Faxe Way Ceere Num Farcisaah, Boolate Num Qoklaah, Daabite Num Fayya Haah Isiik Muxxi Ummattah Yascubeeh Racmatta Leh Yan Celemiy Kulli Numullih Meqe angaaraw Kee Fantaaxaw Lek sugte. 

Gannat Geyo Macammad Waasiq Ecleeh Taqbeeh Axce Kal Kaal Yeceen Masquuliyatak Elle Faxximta Caddol Awaquk Sugeh Yan Mixigik Sugeh Yanim Kee Qafar Ummattah Mano Milaagimtuy Ayyunti Toobokinu Kee Kookacani Diggoowuh bar kee loqoh taamitak suge. 

Gannat Geyo Macammad Waasiq Mango Udduurah Kaa Yibbixeh Sugeh Yan Lakimak Gexxaamah Bir Bar Caxah Alsak 21 Sanat 2017  Jumqatah Issi Cakki Gee.

Magaq Kaak Asaakih Ayro Dubte Magaalal Qafar Rakaakayak Fayya Le Miroctiiy Baxaa Baxsa Le Rasittek Temeeteh Tan Rasi Kasleey Diini Abbobti Kee Kay Wadaayay Kay Buxah Maray Mangoh Tan Qafar Ummatta Elle Geytimak Aboonu Xiqen.

Ganna Geyo Macammad Waasiq Addunyah Cayaatal 2 Gubnaay Labha 4, Sayyo 6 Kee 106 Takke Xaylò Xaylo Kaak Raqte. 

Kaay Rabeh Yanih Yalli Addunyak Tayse Akheera Yacaay Kay Buxah Maraay Kay Wadaayah Imaan Kee Sabri Yacaay Innalillahi Wainna Ileyh Raajiqun.